މިދިޔަ ހޮނިހިރު ދުވަހު ރާއްޖެއަށް 9،000 އަށްވުރެ ގިނަ ފަތުރުވެރިން ޒިޔާރަތްކޮށްފައިވާ ކަމަށް ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކައިފިއެވެ.

ވުޒާރާއިން އެންމެ ފަހުން އާއްމުކޮށްފައިވާ ހިސާބުތަކުން ދައްކާގޮތުގައި އަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު ވަނީ 2،157،341 އަރާފައެވެ. އަދި މިދިޔަ ހޮނިހިރު ދުވަހު އެކަނިވެސް ރާއްޖެއަށް ވަނީ 9،040 ފަތުރުވެރިން ޒިޔާރަތްކޮށްފައެވެ.

Ad by Hajj Corporation

އެންމެ ގިނައިން ރާއްޖެއަށް ފަތުރުވެރިން ޒިޔާރަތްކުރާ 5 ގައުމު:

* ޗައިނާ: 325,544 ފަތުރުވެރިން
* ރަޝިއާ: 267,341 ފަތުރުވެރިން
* އިނގިރޭސިވިލާތް: 194,931 ފަތުރުވެރިން
* ޖަރުމަނުވިލާތް: 161,854 ފަތުރުވެރިން
* އިޓަލީވިލާތް: 140,585 ފަތުރުވެރިން

މި ގައުމުތަކުގެ އިތުރުން ދެން ރާއްޖެއަށް އެންމެ ގިނަ އަދަދަކަށް ފަތުރުވެރިން ޒިޔާރަތްކުރާ ގައުމުތަކުގެ ތެރޭގައި ހިމެނެނީ އިންޑިއާ، އެމެރިކާ، ފަރަންސޭސިވިލާތް، ސްޕެއިންގެ އިތުރުން އޮސްޓްރޭލިއާއެވެ.

ރާއްޖެއަށް 2 މިލިޔަން ފަތުރުވެރިން ހަމަވެފައިވަނީ މިދިޔަ މަހުގެ 27 ވަނަ ދުވަހުއެވެ.