ފުުލުހުންގެ ދައުރު އަދާކުރަން ހުރަސް އަަޅައި، އިންޒާރުދިނުމުގެ އިތުރުން ފުލުހަކަށް ހަމަލާދިން މައްސަލައެއްގައި ތިން މީހަކު ހައްޔަރުކޮށްފިއެވެ.

ފުލުހުން ބުނީ، މާލޭ އިއްޒުއްދީން މަގާއި ގަނދަކޯޅި މަގު ގުޅޭ ކަންމަތީގައި މިދިޔަ އަންގާރަ ދުވަހު ތިބި ގުރޫޕެއްގެ ބަޔަކު ބަލައި ފާސްކުރަން ފުލުހުން މަަސައްކަތްކޮށްފައިވަނީ، ފުލުހުން ފެނުމުން އެމީހުން އުޅުނު ގޮތަށް ބަލާ، ޖިނާއީ ކުށެއް ކުރަން އުޅޭ ކަމަށް ތުހުމަތު ކުރެވިގެން ކަމަށެވެ.

މި މައްސަލައާ ގުޅިގެން ހައްޔަރުކުރީ ފުވައްމުލަކު މިސްކިތްމަގު، ކެމީ، އަހުމަދު ރަޒީން، (22އަހަރު) އާއި ފުވައްމުލަކު ފުނާޑު، ނަމަން، ނާފިއު އިބްރާހީމް، (30އަހަރު) އަދި ގދ. ވާދޫ އިރާކުވިލާ، މުހައްމަދު ލުވޭޒް، (19އަހަރު) އެވެ.

ފުލުހުން ބުނީ މި ތިން މީހުން ހައްުޔަރުކޮށް، ބަންދާ މެދު ގޮތެއް ނިންމަން ކޯޓަށް ގެންދިއުމުން ރަޒީން 5 ދުވަހަށް، ނާފިއު 2 ދުވަހަށް އަދި ލުވޭޒް 15 ދުވަހަށް ބަންދުކުރަން އަމުރުކޮށްފައިވާކަމަށެވެ.