އޮމާނާއި ދިވެހިރާއްޖެއާ ދެމެދު ދެ ދާއިރާއަކުން ގުޅުން އިތުރަށް ބަދަހި ކުރަން މަޝްވަރާތައް ކުރިއަށް ގެންގޮސްފިއެވެ.

މިގޮތުން މަޝްވަރާކޮށްފައި ވަނީ ވިޔަފާރިއާއި އިގްތިސާދީ ދާއިރާއިން ގުޅުން ބަދަހި ކުރުމަށެވެ.

Ad by Hajj Corporation

މި މަޝްވަރާތައް ކުރިއަށް ގެންގޮސްފައި ވަނީ އޮމާންގެ މިނިސްޓަރު އޮފް ފިނޭންސް ސުލްތާން ބިން ސާލިމް ބިން ސައީދު އަލް ޙަބްސީއާއެކު މިއަދު ބޭއްވި ބައްދަލުކުރެއްވުމުގައެވެ.

ރާއްޖޭގެ ހާރިޖީ ވަޒީރު މޫސާ ޒަމީރާއެކު ބޭއްވި މި ބައްދަލު ކުރެއްވުމަށް ފަހު ކުރެއްވި ޕޯސްޓެއްގައި ވަޒީރު ވިދާޅުވީ، އެ ބައްދަލުކުެއްވުމުގައި ވިޔަފާރިއާއި އިގްތިސާދީ ގުޅުން އިތުރަށް ބަދަހިކުރުމާއި ގުޅޭގޮތުން މަޝްވަރާތައް ކުރިއަށް ގެންގޮސްފައިވާ ކަމަށެވެ.

މިގޮތުން މަސްވެރިކަމުގެ ދާއިރާއިން ގުޅުން ބަދަހިކުރުމާއި، ހަކަތައިގެ މަޝްރޫއުތަކުގައި ގުޅިގެން މަސައްކަތްކުރުމާއި، ދެގައުމުން ޝައުގުވެރިވާ އެހެން ދާއިރާތަކުން ގުޅުން ބަދަހިކުރުމާ ބެހޭގޮތުން ދެބޭފުޅުން މަޝްވަރާ ކުރެއްވި ކަމަށްވެސް ވަޒީރު ވިދާޅުވިއެވެ.