ރާއްޖޭގައި މިއަދު އެންމެ ހަލުއިމިނެއްގައި ތަރައްގީވެ، ކުރިއަރަމުން އަންނަ ދާއިރާއަކީ ފަތުރުވެރިކަމުގެ ދާއިރާއެވެ. 1972 ވަނަ އަހަރު، ވިހަމަނަނާފުށީގެ ނަމުގައި ފެށި މި ދާއިރާގައި ރާއްޖެ މިހާރު ވަނީ ދުނިޔޭގެ އެންމެ މަޝްހޫރު މަންޒިލުތަކުގެ ތެރޭގައި ހިމެނިފައެވެ. ހަނީމޫނަށް ދަތުރުހަދާލަން ދުނިޔޭގެ އެތައް ގައުމަކުން، މިކުޑަކުޑަ ދިވެހިރާއްޖެއަށް މިއަދު މީހުން އާދެއެވެ. މިއާއެކު، މިދާއިރާގައި މަސައްކަތްކުރަން ބޭނުންވާ ފަރާތްތަކަށް، ދާއިރާއަށް ވަނުމަށް ލުއި ގޮތަކަށް ދާއިރާވަނީ ފެންބޮވައިގެންފައެވެ.

މިކަން ހަގީގަތަކަށް ހަދައިދިނުމަށް، "އައިލެންޑް ރެކްރޫޓްސް" ގެ ދެ ކޯ-ފައުންޑަރުން ކަމަށްވާ ޢަލީ ފާއިޒް (ތޮމްޕޭ) އަދި އޭނާގެ ކޮއްކޮ، މަރީނާ ފާއިޒްގެ ވިސްނުން ގޮސް ހުއްޓުނީ "ރުކުރި" ގައެވެ. ވަޒީފާ ހޯދާ ފަރާތްތަކާއި، ވަޒީފާ ދޭ ފަރާތްތަކުގެ އިތުުރުން، ފްރީލާންސްކޮށް މަސައްކަތްކުރަން ބޭނުންވާ ފަރާތްތަކުގެ ހުރިހާ ބޭނުމެއް، އެއްފުރާޅެއްގެ ދަށަށް ގެނެސްދޭ މި އެޕްލިކޭޝަން ބިނާވެފައި ވަނީ ތިން އަސާސެއްގެ މައްޗަށް ކަމަށް އައިލެންޑް ރެކްރޫޓްސުން ބުނެއެވެ. އެއީ:

Ad by Hajj Corporation

ވަޒީފާގެ ފުރުސަތުގެ ސާފުކަން:

ލަގްޒަރީ ރިޒޯޓުތަކުގެ އިސް މަގާމުތަކުން ފެށިގެން، ގެސްޓް ހައުސް، ރެސްޓޯރަންޓްގެ އިތުރުން، ފަތުރުވެރިކަމުގެ އެކި ހިދުމަތްތަކުގެ ވަޒީފާތައް، ރުކުރީގެ އެހީގައި، އެއްތަނަކުން ފެންނާނެއެވެ. މީގެ ސަބަބުން، ވަޒީފާ ހޯދާ ފަރާތްތަކަށް، އެފަރާތަކާ އެންމެ ގުޅޭ ވަޒީފާ ފެންނާނެއެވެ.

ދެފުށް ފެންނަ ނިޒާމެއް:

ރުކުރީގެ އެންމެ ބޮޑު އެއް ބޭނުމަކީ، ވަޒީފާގެ މަރުހަލާ ހިނގަމުންދާ ގޮތް ވަގުތުން ބަލާލެވޭނެ ގޮތް ހެދުމެވެ. މީގެ ސަބަބުން ވަޒީފާ ދޭ ފަރާތާއި ވަޒީފާ ހޯދާ ފަރާތާ ދެމެދު އޮންނަ އިތުބާރު ވަރުގަަދަވެގެންދާނެ އެވެ.

ފަސޭހަކަމާއެކު ވަޒީފާއަށް ކުރިމަތިލުން:

ރުކުރީގެ ސަބަބުން ވަޒީފާ ހޯދުމާއި ވަޒީފާއަށް ކުރިމަތިލުން ކުރިއަށްވުރެ ލުއިވެގެންދާނެއެވެ. ވަޒީފާ ހޯދާ މީހާއަށް އެއްތަނަކުން ހުރިހާ އެޕްލިކޭޝަނެއް ބެލެހެއްޓޭއިރު، ވަޒީފާ ދޭ ފަރާތްތަކަށްވެސް އެއްވެސް އުނދަގޫކަމެއްނެތި، ވަޒީފާއަށްކުރިމަތިލާފައިވާ ކެންޑިޑޭޓުންގެ މައުލޫމާތު އެއްތަނަކުން ބަލާލެވޭނެއެވެ.

ނަމަވެސް މި އެޕްލިކޭޝަންގެ އެންމެ ހާއްސަ އެއް ފީޗަރއެއްގެ ގޮތުގައި ފާހަގަކުރެވެނީ، އިތުބާރުހިފޭ ވަޒީފާގެ މާހައުލެއް ބިނާކުރުމުގެ ގޮތުން، ވަޒީފާއަށް ކުރިމަތިލާ ފަރާތުގެ ތަޖުރިބާ ޔަގީންކުރެވޭނެ ނިޒާމެއް އެކުލަވާލާފައިވުމެވެ. މީގެ އިތުރުން، ރިފަރެންސްތައް ޗެކް ކުރުމާއި، ޕްރޮފައިލް ވެރިފައިކުރުންވެސް ރުކުރީގެ ތެރެއިން ކުރިއަށްގެންދެވޭނެއެވެ.

މި އެޕްލިކޭޝަނާ ބެހޭގޮތުން، އައިލެންޑް ރިކްރޫޓްސްގެ ކޯ-ފައުންޑަރ، މަރީނާ ފާއިޒް ވިދާޅުވީ:

އޭގެ އިތުރުން އަޅުގަނޑުމެން ބޮޑަށް މިބަލަނީ ރަނގަޅު ޓެލެންޓް، އެ އޮޕޮޗޫނިޓީއަކާ މީޓްވާނެ ގޮތަކަށް އެކަން ކުރެވޭތޯ. ދެން އޮބްވިއަސްލީ އަޅުގަނޑުމެންގެ މެއިން ފޯކަސްއަކީ އެޗްއާރް ޕްރޮފެޝަނަލުން. އެއީ، އަޅުގަނޑުމެން ބޭނުންވަނީ ސީމްލެސްކޮށް ރިކްރޫޓްމަންޓް ޕްރޮސެސް ކުރިއަށްދާން.

މަރީނާ ފާހަގަކުރެއްވި ކަންކަމުގެ އިތުރަށް، އެޕްލިކޭޝަނާ ގުޅޭގޮތުން ޢަލީ ފާއިޒް ވިދާޅުވީ:

އެނގިލައްވާނެ ފަދައިން، ދިވެހިރާއްޖެއަކު އަސްލު ހަގީގަތަކު ނެތް، ސީދާ ރެކްރޫޓްމަންޓަށް ބޭސްކޮށް މޮޑަނައިޒްޑް، ޒަމާނީ ގޮތަކަށް ޕްލެޓްފޯމެއް ކްރިއޭޓްކުރެވިފައެއް. އެހެންވެ އަޅުގަނޑުމެން މިބަލަނީ ވީހާވެސް ބޮޑަކަށް، ވީހާވެސް ކޮންވީނިއަންޓްކޮށް، ވީހާވެސް މިޒަމާނާ ގުޅޭގޮތަކަށް ދިވެހިރާއްޖޭގައި ރެކްރޫޓްމަންޓް ޕްރޮސެސް، ހާއްސަކޮށް ޓޫރިޒަމް އިންޑަސްޓްރީއަށް ފޯކަސްކޮށްފަ، އެއްތާކުން، ވަޒީފާ ހޯއްދަވާ ބޭފުޅުންނަށްވެސް، ވަޒީފާ ދޭ ފަރާތަށްވެސް، ކޮންވީނިއަންޓުކޮށް، މޮޑާން ގޮތަކަށް އެކަން ކުރެވޭތޯ. އަސްލު އެއީ އަޅުގަނޑުމެންގެ އެންމެ ބޮޑު އުންމީދަކީ.

މި އެޕްލިކޭޝަން ރަސްމީކޮށް ލޯންޗުކުރެވިފައި ނުވިނަމަވެސް، މިހާރުވެސް ރުކުރިގެ ވެބް ވަރޝަން ވަނީ ލައިވްކޮށްފައެވެ. ކުޑަދުވަސްކޮޅެއްތެރޭ އެޕްލިކޭޝަންވެސް ލައިވް ވާނެ ކަމަށާއި، އޭރުން އިތުރު ލުއިތަކެއް ލިބޭނެކަމަށް އައިލެންޑް ރިކްރޫޓްސުން ބުނެއެވެ.