ގއ. ކޮލަމާފުށީގެ ތަރައްޤީގެ ގިނަ މަޝްރޫއުތަކަކާ ގުޅޭ މައުލޫމާތު ހޯދަން އެ ރަށު ކައުންސިލްގެ އިދާރާއަށް އާންމު ފަރާތަކުން ހުށަހަޅައިފިއެވެ.

މަޝްރޫއުތަކާ ގުޅޭ ގިނަ އަދަދެއްގެ ސުވާލުތަކާއެކު އެ ކައުންސިލަށް އާންމު ފަރާތަކުން ހުށަހެޅި މިހުށަހެޅުމަކީ މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގެ ދަށުން ހުށަހެޅި ހުށަހެޅުމެކެވެ. ފާހަގަ ކުރެވުނު ގޮތުގައި މަޝްރޫއުތައް ހިންގަން އާއްމުކޮށް އިއުލާން ކައުންސިލުން ނުކުރާތާ ގާތްގަނޑަކަށް 11 މަސްވެއްޖެއެވެ. މިކަމާ ގުޅޭ ގޮތުން ގިނަ ސުވާލުތަކަކާއެކު އާރްޓީއައިއެއް ހުށަހެޅީ މިހެންވެ ކަމަށް ހުށަހެޅި ފަރާތުން ވަނީ ބުނެފައެވެ.

Ad by Hajj Corporation

މިގޮތުން، ހުށަހެޅި ސުވާލުތަކަކީ:

1. ކޮލަމާފުށީ އުތުރު ފަރާތުގެ ބީޗްގައި ކައުންސިލްގެ ހަރަދުގައި ކުޑަކުދިންގެ ޕްލޭސެޓެއް ބުޑުއަޅައި އިންސްޓޯލްކުރުމަށް ހަރަދުކޮށްފައިވަނީ ކިހާ މިންވަރެއްތޯއާއި މަސައްކަތްކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮން ބަޔާކާއިތޯއާއި ކޮންއަގަކަށްތޯ އަދި އިއުލާނެއް ކޮށްފައިވޭތޯއެވެ. އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް ހިއްސާކުރުމަށެވެ.
2. ކޮލަމާފުށީ ރިންގރޯޑްގައި މަގުބައްތި ހަދައި ބުޑުއަޅައި ހަރުކޮށް ވައިރު އަޅަން ކޮނެ ވައިރު އެޅުމަށް ކައުންސިލުން ހަރަދުކޮށްފައިވަނީ ކިހާ މިންވަރެއްތޯއާއި މަސައްކަތްކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮން ކޮންބަޔަކާއިތޯއާއި ކޮންއަގަކަށްތޯ އަދި މި މަސައްކަތްތައް ކުރުމަށް އިއުލާނެއް ކޮށްފައިވޭތޯއާއި މިމަސައްކަތްކޮށް ބަޖެޓް އެލޮކޭޓް ކުރުމަށް ކައުންސިލް ބައްދަލުވުމެއް ބޭއްވިފައިވޭތޯއެވެ. ވާނަމަ އެބައްދަލުވުމުގެ ޔައުމިއްޔާ އަދި ބިޑުގެ ތަފްސީލް ހިއްސާކުރުމަށެވެ.
3. ސްކައި ޖަމިއްޔާއަށް ދީފައިވާ ބިމެއްގައި ކޮލަމާފުށީ މުހައްމަދު ސައީދު ޕާކް ކައުންސިލްގެ ހަރަދުގައި ހަދާފައިވަނީ ޖަމިއްޔާއާއި ކައުންސިލާއި ދެމެދު އެއްބަސްވުމެއް ހެދިފައިވޭތޯއާއި ހަދާފައިވާނަމަ އެއްބަސްވުމުގެ ކޮޕީ އަދި ކައުންސިލުން މިމަސައްކަތަށް ހަރަދުކޮށްފައިވަނީ ކިހާ މިންވަރެއްތޯއާއި މަސައްކަތްކުރުމަށް އިއުލާނެއް ކޮށްފައިވޭތޯ އަދި އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮންބަޔަކާއިތޯއާއި ކޮންއަގަކަށްތޯއެވެ. އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް ހިއްސާކުރުމަށެވެ.
4. ކައުންސިލުން ރަށު ރައްޔިތުންނަށް އެންގުންތައް އެންގުމަށް ބޭނުންކުރާ ތާޅަފިލި ހަރުކުރާ އެންޓަނާ ހަރުކުރުމަށް ބުޑެއް އެޅުމަށް އިއުލާނެއްކުރިތޯއާއި އިއުލާނުކުރި ނަމަ އިއުލާނުކޮށް ހަވާލުކުރީ ކޮން ކުންފުނިއަކާއިތޯއާއި އަދި ކޮންއަގަކަށްތޯ އަދި ކޮން މުއްދަތެއްގެ ތެރޭގައި ނިންމަންތޯ އަދި މިމަސައްކަތްކުރުމަށް ނިންމުމަށް ކައުންސިލް ބައްދަލުވުމެއް ބޭއްވިތޯއާއި ބޭއްވިނަމަ ބައްދަލުވުމުގެ ޔައުމިއްޔާ ހިއްސާކުރުމަށެވެ.
5. ކައުންސިލްގެ ބިޑް ކޮމޮޓީއެއް އެކުލަވާލާ އެކޮމިޓީ މިނިސްޓްރީ އޮފް ފިނޭންސަށް ހުށައަޅައި ފައިވޭތޯއާއި ބިޑްކޮމިޓީ އެކުލަވާލަން ކައުންސިލް ބައްދަލުވުމެއް ބާއްވާ ފާސްކުރެ ވިފައިވާނެތޯއާއި ފާސްކުރިނަމަ ފާސްކުރި ބައްދަލުވުމުގެ ޔައްމިއްޔާ ހިއްސާކުރުމަށް އަދި ބިޑްކޮމިޓީގައި ހިމެނޭ މެންބަރުންގެ ތަފްސީލް، ކައުންސިލްގެ ނިންމުންތަކާއި ޔައުމިއްޔާތަކާއި ތަންފީޒު ކުރި ނިންމުންތަކުގެ ތަފްސީލް ހިއްސާކުރުމަށެވެ.
6. ކޮލަމާފުށީ ބަނދަރު ސަރަހައްދުގައި އިންދާފައިވާ ކަނދުރު ރުއް ގެނައުމަށް ކައުންސިލް ޖަލްސާއެއްބާއްވާ އެކަމަށް ބަޖެޓެއް އެލޮކޭޓްކުރެވުނުތޯއާއި އެ ކައުންސިލް ބައްދަލުވުމުގެ ޔައުމިއްޔާ އަދި މިބައްދަލުވުމާއި ހަވާލާދީ ކުރެވުނު އިއުލާނެއްވޭތޯ ވާނަމަ އިއުލާނާއި އަދި އިއުލާނާއި ގުޅިގެން ހުށެއެޅި ބިޑްތަކުގެ ތަފްސީލް އަދި މި މަސައްކަތް ހަވާލުކުރި ކުންފުންޏާއި ހަވާލުކުރެވުނު އަގުގެ ތަފްސީލް ހިއްސާކުރުމަށެވެ.
7. ކޮލަމާފުށީ ބަނދަރުމަތީގައި ކައުންސިލްގެ ހަރަދުގައި ހަދަމުންދާ މަރިޔާދުގެއަށް ކައުންސިލުން މިމަސައްކަތަށް ހަރަދުކޮށްފައިވަނީ ކިހާ މިންވަރެއްތޯއާއި މަސައްކަތްކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮންބަޔަކާއިތޯ އަދި ކޮންއަގަކަށްތޯއާއި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް ހިއްސާކުރުމަށެވެ.
8. 2021 ވަނަ އަހަރު ފެށިގެން ކޮލަމާފުށި ޔޫތު ރެކްރިއޭޝަން ސެންޓަރުގެ ބަޖެޓް ބޭނުންކޮށްފައިވަނީ ކޮންގޮތަކަށްތޯ އަދި ހަރަދުކޮށްފައިވަނީ އަހަރަކަށް ކިހާވަރެއްތޯއާއި ކޮން ކަމަކަށްތޯއެވެ.
9. 2021 ވަނަ އަހަރު ފެށިގެން ކޮލަމާފުށި މަގުބައްތިތައް ބަލަހައްަޓަން ހަވާލުކުރުމަށް އިއުލާނެއް ކޮށްފައިވޭތޯއާއި ހަވާލުކޮށްފައިވަނީ ކޮން ކުންފުނިތަކާއިތޯ އަދި ކޮން އަގަކަށްތޯއާއި ކައުންސިލުން ފާސްކޮށްފައިވޭތޯ؟ އަދި ފާސްކޮށްފައިވާނަމަ ފާސްކުރި ބައްދަލުވުމުގެ ޔައުމިއްޔާގެ ކޮޕީ އަދި ބިޑުގެ ތަފްސީލް ހިއްސާކުރުމަށެވެ.
10. 2021 ވަނަ އަހަރު ފެށިގެން ކޮލަމާފުށި އިޖްތިމާއީ ސަރަހައްދު ކުނިކަހާ ސާފުކުރުމަށް ހަވާލުކުރުމަށް އިއުލާނެއް ކޮށްފައިވޭތޯއާއި ހަވާލުކޮށްފައިވަނީ ކޮން ކުންފުނިތަކާއިތޯ އަދި ކޮން އަގަކަށްތޯ އަދި ކައުންސިލުން ފާސްކޮށްފައިވޭތޯއެވެ. އަދި ފާސްކޮށްފައިވާނަމަ ފާސްކުރި ބައްދަލުވުމުގެ ޔައުމިއްޔާގެ ކޮޕީ އަދި ބިޑުގެ ތަފްސީލް ހިއްސާކުރުމަށެވެ.

މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގެ ދަށުން ހޯދަން ހުށަހަޅާ މައުލޫމާތަކީ އިސްތިސްނާ ހާލަތެއްގައި ފިޔަވައި އިދާރާތަކުން ފޯރުކޮށްދޭންޖެހޭ މައުލޫމާތެވެ.

އެ ޤާނޫނަކީ ދައުލަތުގެ އެންމެހައި ކަންކަން ހާމަކަންބޮޑު ގޮތެއްގައި އަދި ޖަވާބުދާރީކުރުވަނިވި ގޮތެއްގައި ކުރިއަށް ގެންދިއުމަށްޓަކައި، މަޢުލޫމާތު ހޯދުމާއި މަޢުލޫމާތު ލިބިގަތުމުގެ ޙައްޤު ދިވެހިރާއްޖޭގައި ލިބިދެވޭ ދާއިރާ އެކަށައަޅައި، ދައުލަތުގެ އިދާރާތަކުން އުފައްދާ ނުވަތަ ގެންގުޅޭ ނުވަތަ ބަލަހައްޓާ މަޢުލޫމާތު ހޯދައި ލިބިގަތުމުގެ ޙައްޤު ކޮންމެ މީހަކަށްމެ ލިބިދިނުމުގެ އުސޫލުތައް ކަނޑައެޅުމުގެ ޤާނޫނެވެ.

މި ޤާނޫނުގެ މަޤްޞަދަކީ، އަންނަނިވި ކަންކަމާ ގުޅޭގޮތުން ކޮންމެ މީހަކަށްމެ ލިބިދޭ ޙައްޤުތައް ބަޔާންކޮށް، އެ ޙައްޤުތަކުގެ ދާއިރާ އެކަށައެޅުމެވެ.

(ހ)

ދައުލަތުގެ އިދާރާއެއްގައިވާ މަޢުލޫމާތު ހޯދައި ލިބިގަތުމުގެ ޙައްޤު އެކަށައެޅުން.

(ށ)

ދައުލަތުގެ އިދާރާއެއްގައިވާ މަޢުލޫމާތު ހޯދައި ލިބިގަތުމުގެ ޙައްޤު ނުހިނގާނީ މި ޤާނޫނުގައި ކަނޑައެޅި ބަޔާންވެގެންވާ ޙާލަތްތަކުގައި އެކަނި ކަމުގައި ކަނޑައެޅުމާއެކު، އެ ޙާލަތްތަކުގައިވެސް އެ މަޢުލޫމާތު ހާމަކުރުމުން ލިބޭ ގެއްލުމަށްވުރެ ހާމަނުކުރުމުން ޢާންމު މަޞްލަޙަތަށް ލިބޭ އުނިކަން ބޮޑުވާނަމަ، ޢާންމު މަޞްލަޙަތު ނެގެހެއްޓުމަށްޓަކައި އެ މަޢުލޫމާތު ހާމަކުރުމުގެ އުސޫލު ކަނޑައެޅުން.

(ނ)

ދައުލަތުގެ އިދާރާތަކުގައިވާ މަޢުލޫމާތު ވީހާވެސް ފުޅާ ދާއިރާއެއްގައި ޝާއިޢުކުރުމަށް ހިތްވަރު ދިނުން.

(ރ)

މީހަކާ ގުޅޭގޮތުން ދައުލަތުގެ އިދާރާއެއްގައި ބަލަހައްޓަމުންގެންދާ މަޢުލޫމާތަކީ ފުރިހަމަ، ތެދު އަދި އޮޅުމެއްނެތް މަޢުލޫމާތެއްކަން ކަށަވަރުކުރުމުގެ ޙައްޤު އެމީހަކަށް ލިބިދިނުން.

(ބ)

ބަޔާންވެދިޔަ ކަންކަން ހިންގުމަށް މަގުފަހިކުރުމަށްޓަކައި އެކަށީގެންވާ އުސޫލުތަކެއް ކަނޑައަޅައިދިނުން.