ގެދޮރުވެރިޔާ ސްކީމް ގެ ހައްގުވެރިން ކަނޑައަޅާނީ ހައުސިންގ މިނިސްޓްރީ އިން ކަމަަށް ފަހި ދިރިއުޅުން ކޯޕަރޭޝަން (އެފްޑީސީ) އިން ބުނެފިއެވެ.

އެފްޑީސީ އިން މިއަދު ނެރުނު ބަޔާނެއްގައި ބުނި ގޮތުގައި، ގެދޮރުވެރިޔާ މަޝްރޫޢުގެ ދަށުން ޔުނިޓް ލިބޭނެ ފަރާތްތަކާއި، އެފަރާތްތަކަށް ލިބޭނެ ޔުނިޓެއް ކަނޑައެޅުމުގެ މަސައްކަތަކީ ހައުސިން މިނިސްޓްރީން ކުރާ މަސައްކަތެއް ކަމުގައިވާތީ ، ޔުނިޓް ހަވާލުކުރުމާ ގުޅޭ އެންމެހާ ކަންކަމުގައި އެ ކުންފުނިން ޢަމަލުކުރާނީ މިނިސްޓްރީން އަންގާ ގޮތެއްގެ މަތީން ކަމަށެވެ.

Ad by Hajj Corporation

އަދި ޔުނިޓް ހަވާލުކުރުމުގެ މަސައްކަތް މަޑުޖައްސާލައިފައިވަނީ ވެސް އެ މިނިސްޓްރީގެ އެންގެވުމުގެ މަތިން ކަމުގައި އެ ކުންފުނިން ބުންޏެވެ.

މީގެ އިތުރުން އެފްޑީސީއިން ބުނީ ޔުނިޓް ހަވާލުކުރުމާ ގުޅޭގޮތުން ކުރެވޭ އެންމެހާ މުޢާމަލާތްތައް ކުރިއަށްގެންދެވޭނީ އެ މައްސަލައާ ގުޅޭގޮތުން މިނިސްޓްރީން ވަކި ގޮތެއް އެންގުމުން ކަމަށެވެ.