ރާއްޖޭގައި ޝީޝާ މަނާކޮށް، ހަކުރުގެ ބާވަތްތަކުން ސަބްސިޑީ ކެނޑުމަކީ ސަރުކާރުގެ ސިޔާސަތެއް ނޫން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ޕީއެންސީގެ "ދަ ގްރޭޓަރ އައްޑޫ" ސިޔާސަތު އިފްތިތާހުކުރުމަށް އާޓިފިޝަލް ބީޗުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ. ރައީސް ވިދާޅުވީ ރާއްޖޭގައި އިތުރު ކަންކަން "ބޭން" ކުރުމަކީ ސަރުކާރުގެ ސިޔާސަތެއް ނޫން ކަމަށެވެ.

Ad by Hajj Corporation

އެހެންނަމަވެސް އެކަންކަމާ މެދު ރައްޔިތުން ހޭލުންތެރިކުރުވަން ބޭނުންފުޅުވާ ކަމަށާއި ޒަމާނުއްސުރެ ދިވެހީންގެ ތެރޭގައި ހުރި ބައެއް އާދަތައް މަނާކުރުމަކީ ހައްލެއް ލިބޭނެ ކަމެއް ނޫން ކަމަށް ވިދާޅުވިއެވެ. އަދި އެކަންކަމާ ގުޅިގެން ސިއްހީ ގޮތުން މީހުން ހޭލުންތެރިކުރުމަކީ ސަރުކާރުން ކުރާނެ ކަމެއް ކަމަށް ވަނީ ވިދާޅުވެފައެވެ.

ރައީސް ީގެކުރީން ވެސް ވަނީ މިމޭރުނުން ވާހަކަފުޅު ދައްކަވާފައެވެ. އެއީ ރައީސް އޮފީހުގައި މި ފަހުން ބޭއްވި ނޫސްވެރިންގެ ބައްދަލުވުމެއްގައި ޝީޝާ މަނާކޮށް، ހަކުރުން ސަބްސިޑީ ކަނޑަން މަޝްވަރާކުރަމުން އަންނަ ކަމަށް ނޫސްވެރިޔަކު ކުރި ސުވާލަކަށް ޖަވާބު ދެއްވަމުން ހެލްތު މިނިސްޓަރު ނާޒިމް ވިދާޅުވުމާ ގުޅިގެންނެވެ.

ރައީސް ވަނީ އެކަމާ ގުޅިގެން ރައްޔިތުންނަށް އޮޅޭ ގޮތަށް މައުލޫމާތު ފަތުރަމުންދާ ކަމަށާއި ޝީޝާ މަނާ ނުކުރާނެކަމާއި ހަކުރުން ސަބްސިޑީ ނުކަނޑާނެ ކަމަށް ވިދާޅުވާން ޖެހުނީ އެހެންވެގެން ކަމަށެވެ.

މީގެއިތުރުން ސަރުކާރުން ވަރަށް ކޮންޓްރަވާޝަލް ނިންމުންތައް ނިންމާފައިވާކަން ފާހަގަކުރައްވާ، އެގޮތުން ސިނގިރޭޓުން ޑިއުޓީ ބޮޑުކޮށް ވޭޕް މަނާކުރުން ފާހަގަކުރެއްވިއެވެ. އަދި އެކަންކަމުގެ ބޭނުމަކީ ދުޅަހެޔޮ މުޖުތަމައެއް ބިނާކުރުން ކަމުގައި ވަނީ ތަކުރާރުކުރައްވާފައެވެ.