ރާއްޖެއިން އިންޑިޔާއަށް ކަނޑައަޅާފައި ހުންނަ ސަފީރަކަށް އައިޝަތު އަޒީމާ ހަމަޖައްސަން ސަރުކާރުން މަޖިލީހަށް ފޮނުވައިފިއެވެ.

މިއަދު އޮތް މަޖިލީހުގެ ދެވަނަ ދައުރުގެ ފުރަތަމަ ޖަލްސާގައި ވަނީ، އިންޑިޔާގެ ސަފީރުގެ ގޮތުގައި މިހާރު ހުންނެވި އިބްރާހިމް ޝަހީބުގެ ދައުރު ހަމަވާތީވެ، ޝަހީބުގެ ބަދަލުގައި އަޒީމާ އެމަގާމަށް އައްޔަނުކުރުމަށް މަޖިލީހަށް ފޮނުއްވާފައެވެ.

Ad by Hajj Corporation

އެގޮތުން އެ މަގާމަށް އަޒީމާ ހަމަޖެއްސުމަށް މިއަދު އޭނާގެ ނަންވަނީ ކަމާ ބެހޭ ކޮމިޓީއަށް ފޮނުވައިފައެވެ.

އަޒީމާ އަކީ މިވަގުތު ވެސް  ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމުގައި މިހާރު ހުންނެވި ފަރާތެވެ. އަޒީމާ ވަނީ 2019 ވަނަ އަހަރުން ފެށިގެން 2023 ވަނަ އަހަރުގެ ނިޔަލަށް ޗައިނާގައި ހުންނަވާ ރާއްޖޭގެ ސަފީރުކަމުގެ މަގާމް އަދާކުރައްވާފައެވެ.