މިއަހަރުގެ ކުލަބު މޯލްޑިވްސް ކަޕްގެ ފައިނަލްގައި އެންމެ ފަހުގެ ޗެމްޕިއަން ކުލަބު ވެމްކޯ އާއި ރަނަރަޕް ރޯޑް ރެކްރިއޭޝަން ކުލަބު (އާރުއާރުސީ) ބައްދަލު ކުރަން ޖެހިއްޖެއެވެ.

މިދިޔަ އަހަރުގެ ވެސް އެންމެ ވަރުގަދަ ދެ ޓީމުގެ ގޮތުގައި ފެނުނީ މި ދެ ޓީމަށް ވާއިރު، މި އަހަރުގެ ފެވްރެޓުންގެ ގޮތުގައި ވެސް ހިމެނެނީ މި ދެ ޓީމެވެ.

އެގޮތުން މިިދިޔަ އަހަރުގެ ޗެމްޕިއަނުން ކަމުގައިވާ ވެމްކޯ އިން މުބާރާތުގެ ފައިނަލްގެ ޖާގަ ހޯދީ ސެމީ ފައިނަލްގައި ސްޓެލްކޯގެ މައްޗަށް ތިން ލަނޑު، ދެ ލަނޑުން ކުރި ހޯދައިގެންނެވެ. ފޯރިގަދަ ކުޅުމެއް ފެނުނު އެ މެޗުގައި އެންމެ ފުރަތަމަ ދެ ލަނޑު ޖެހީ ވެމްކޯއިންނެވެ. އެހެން ނަމަވެސް ކުޅުން ރަނގަޅުކޮށް، ކްލަބް ސްޓެލްކޯ އިން މެޗުގެ ދެވަނަ ހާފުގައި ދެ ލަނޑު ކާމިޔާބުކޮށް ނަތީޖާ އެއްވަރުކުރިއެވެ.

އެހެން ނަމަވެސް މެޗު ނިމެން ކުޑަތަން ވެފައިވަނިކޮށް ވެމްކޯއިން ތިން ވަނަ ލަނޑު ޖެހިއެވެ. އެ ލަނޑު އެ ޓީމަށް ޖަހައިދިނީ ހުނަރުވެރި ކުޅުންތެރިޔާ އިސްމައީލް ވަޖީހުއެވެ.

މީގެ އިތުރުން، މިދިޔަ އަހަރުގެ ރަނަރަޕް އާރްއާރްސީން ފައިނަލަށް ދަތުރުކުރީ އެމްޕީއެލްގެ މައްޗަށް ފެނަލްޓީގައި ކުރި ހޯދައިގެންނެވެ. އެގޮތުން ހުނަރުވެރި ރާއްޖޭގެ މަޝްހޫރު ގިނަ ކުޅުންތެރިން ދެ ޓީމުގައި ވެސް ތިބެ ކުޅުނު އެ މެޗުގައި އާރުސީސީން ލަނޑުތައް ޖެހީ ޢަބްދުﷲ މިދުހަތު ފަހުމީ (ބިޗަޑް)، އިބްރާހިމް އަސްވަދު (ގަބޭ) އަދި އަޙުމަދު ރިޒުވާން (ރިޒޭ) އެވެ. އަދި އެމްޕީއެލްގެ ގޯލުތައް ޖަހައިދިނީ އަޙުމަދު ބައްސާމް މުޙައްމަދު ، އަލީ ޝަމާލް އަބްދުﷲ އަދި އަލީ ފާސިރު (ސެންޓޭ) އެވެ.

ތިން ލަނޑުން މެޗު އެއްވަރުވުމުން ޖެހި ޕެނަލްޓީގައި އާރުސީސީ މޮޅުވީ ހަތަރު ޕެނަލްޓީ ކާމިޔާބުކޮށްގެންނެވެ. އެމްޕީއެލް އިން ޖެހި އެއް ޕެނަލްޓީ ދަނޑިއާ އަމާޒުވިއިރު، އަނެއް ޕެނަލްޓީ ޖެހީ ބޭރަށެވެ. އެއާއެކު އެ ޓީމަށް ކާމިޔާބުކުރެވުނީ ދެ ޕެނަލްޓީއެވެ.

އެހެންކަމުން މިދިޔަ އަހަރު ވެސް ފައިނަލުގައު ވާދަކުރި ދެ ޓީމުގެ މި އަހަރުފެ ފައިނަލް އޮންނާނީ އަންނަ ހުކުރު ދުވަހުގެ ރޭ އެވެ.