ހއ، ހދ ގެ ބައެއް ރަށްތަކަށް ކުރައްވާ ދަތުރުފުޅުގެ ތެރެއިން ފިޝަރީޒް މިނިސްޓަރު އަހުމަދު ޝިޔާމް ނޮޅިވަރަމް ކައުންސިލާއި ބައްދަލު ކުރައްވައިފިއެވެ.

މި ބައްދަލުކުރެއްވުމުގައި މަސްވެރިކަމާއި ދަނޑުވެރިކަމުގެ ދާއިރާއިން، އެރަށުގެ ރައްޔިތުންގެ މެދުގައި ހުރި ކަންބޮޑުވުންތައް ކައުންސިލުން ވަނީ މިނިސްޓަރާއި ވަނީ ހިއްސާކުރައްވާފައެވެ. އޭގެ ތެރޭގައި ސްޕޯޓްސް ފިޝިން ކުރިއެރުވުމަށް ބޭނުންވާ ކަންކަން ވަނީ ހިއްސާކުރައްވާފައެވެ. އަދި، ފުޑް ސެކިއުރިޓީ ގާއިމުކުރުމުގައި ހުރި ގޮންޖެހުންތައް ވަނީ ހިއްސާކުރައްވާފައެވެ. މީގެ އިތުރުން މަސްވެރިކަމާއި ދަނޑުވެރިކަމުގެ ދާއިރާއިން ހުރި ފުރުސަތުތަކާއި ބެހޭގޮތުން މަޝްވަރާކުރައްވާފައެވެ.

Ad by Hajj Corporation

މި ބައްދަލު ކުރެއްވުމުގެ ތެރެއިން ރުކުމަޑި (ކޮކޮނަޓް ހިސްޕިޑް ބީޓްލް) ކޮންޓްރޯލް ކުރުމަށްޓަކައި، ބޭނުންވާ ޕެސްޓްސައިޑް ނޮޅިވަރަމް ކައުންސިލަށް ވަނީ ހަދިޔާކުރައްވާފައެވެ.

ނޮޅިވަރަމަށް ކުރެއްވި ޒިޔާރަތުގައި، އިތުރުން އެރަށުގެ ގައި ގާއިމްކުރާ އެގްރިކަލްޗާ ޕްރޮޖެކްޓް ގެ ސައިޓަށް ވަޑައިގެން މަސައްކަތްތައް ހިނގާގޮތްވެސް މިނިސްޓަރު ޝިޔާމް ވަނީ ބައްލަވާފައެވެ.