ބޭނުންފުޅުވަނީ ހުރިހާ ރައްޔިތުންނަށް ހަމަހަމަ ގޮތުގައި ވީ އެންމެ ރަނގަޅަކަށް ކަންކަން ފަހިކޮށްދެއްވުމަށް ކަމަށް ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ، ރައްޔިތުންގެ އަޑު ޕްރޮގްރާމްގައި، ނުކުޅެދުންތެރިކަން ހުންނަ ކުދިންނަށް ދިމާވާ ދަތިތަކާއި، އަދި މިފަދަ ކުދިންނަށް ހާއްކޮށްގެން ކުރިއަށް ގެންދާ ސްޕެޝަލް އޮލިމްޕިކްސް ޕްރޮގްރާމާއި ގުޅޭގޮތުން ފާހަގަކުރި ބައެއްކަންކަމާ ގުޅޭގޮތުން ވާހަކަދައްކަވަމުންނެވެ.

Ad by Hajj Corporation

އެގޮތުން ޑައުން ސިންޑްރޯމް ކުއްޖަކަށްވާތީ، ދިމާވާ ދަތިތަކާއި އަދި ކިޔެވުމުގެ މާހައުލުގައި ދިމާވާ ދަތިތަކާއި ސްޕެޝަލް އޮލިމްޕިކްސް ޕްރޮގްރާމް ކުރިއަށް ގެންދިއުމުގައި މާލީގޮތުން ހުރިދަތިތަކާ އެހެނިހެން ކަންކަން ވެސް ވަނީ ހިއްސާކޮށްފައެވެ.

މިވާހަކަތައް އަޑުއައްސަވާ ރައީސް ވިދާޅުވީ އެދިލެއްވި ހުރިހާ ކަމަކަށް އެޑްރެސްކުރައްވާނެ ކަމަށެވެ. އަދި އެމަނިކުފާނު ބޭނުންފުޅުވަނީ ހުރިހާ ރައްޔިތުންނަށް ހަމަހަމަ ގޮތުގައި ވީ އެންމެ ރަނގަޅަކަށް ކަންކަން ފަހިކޮށްދެއްވުމަށް ވިދާޅުވިއެވެ.