ފާފު ޕޮޖެކްޓް ފާދަ ބޮޑެތި މަޝްރޫއުތައް މީގެ ކުރީގެ ވެރިކަންތަކުގައި ވެސް ރާއްޖެ ގެންނަން މަސައްކަތް ކުރެއްވި ކަމަށާއި މިފަދަ ބޮޑެތި މަޝްރޫއުތައް އޭރު ކަމު ގޮސްފައި މިއަދު މިހާލަތުގައި ކަމު ނުދިޔާމަ އެވަނީ ޖޯކަކަށް ކަމަށް ރައްޔިތުންގެ މަޖިލީހުގެ މިލަންދޫ ދާއިރާގެ މެންބަރު ހަސަން މުފީދު އަބްދުލްގާދިރު ވިދާޅުވެއްޖެއެވެ.

ރަސްމާލޭގެ އެއްފަޅީގައި ކުރިއަށް ގެންދަން ނިންމާފައިވާ މޯލްޑިވްސް ވޯޓަރ ފްރޮންޓް އެންޑް މެރީނާ މަޝްރޫޢުއާ ގުޅުވައި އިދިކޮޅުފަރާތަކުން ދައްކަމުންދާ ދޮގުވާކަތަކާ ގުޅިގެން މެންދުރު ޓީވީގެ މައުޟޫއު ޕްރޮގްރާމުގައި ކުރި ސުވާލަށް ޖަވާބުދެއްވަމުން މެންބަރު މުފީދު ވިދާޅުވީ އީގަލް ހިލްސްގެ މި ޕްރޮޖެކްޓު ބެހިގެން ދަނީ ދިވެހިންގެ އެންމެ ނީޑްފުލް ކަންކަމުގެ ތެރެއަށް ކަމަށެވެ. ވިދާޅުވީ ދިވެހިންކުރާ އުންމީދުތަކަށް މިއަދު ތަސައްލީއެއް ލިބިގެންދާނެ ޕްރޮޖެކްޓަކަށް މި ޕްރޮޖެކްޓް ވެގެންދާނެ ކަމަށެވެ.

Ad by Hajj Corporation

އިދިކޮޅު ފަރާތްތަކުގެ ދޮގު ވާހަކަތަކަށް ރައްދު ދެއްވާ މުފީދު ވިދާޅުވީ ފާފު ޕޮޖެކްޓް ފާދަ ބޮޑެތި މަޝްރޫއުތައް މީގެ ކުރީގެ ވެރިކަންތަކުގައި ވެސް ރާއްޖެ ގެންނަން މަސައްކަތް ކުރެއްވި މަންޒަރު ފެނިވަޑައިގަތް ކަމަށެވެ.

އެމްޑީޕީއާއި އޭރުގައި އަޅުގަނޑުމެންގެ ތެރޭގައި ތިއްބެވި މި ފިކުރުގެ ވެރިކަން ކުރެއްވި ބައެއް ބޭފުޅުން އަޅުގަނޑުމެންގެ ތެރޭގައި އޭރު އެކި ޕޯޑިއަމްތަކުގައި މިފަދަ ޕްރޮޖެކްޓުތަކާ ގުޅުވައިގެން ދެއްކެވިވާހަތަކާއި މިއަދު ފުށު އެބައަރާ. އޭރުގައި މިކަން ކުރަން ކަމުގޮސްފައި މިއަދު މިހާލަތުގައި މިކަން ކަމުނުދިޔާމަ އެވަނީ ޖޯކަކަށް: މުފީދު

މުފީދު ވިދާޅުވި ގޮތުގައި އިދިކޮޅުފަރާތްތަކުން އުޅުއްވަނީ އެބޭފުޅުންނަށް ނުވި ކަމެއް ރައީސް ޑރ. މުއިއްޒު ކުރައްވާތީ ހަޖަމު ނުވެގެން ކަމަށެވެ.