އިދިކޮޅު އެމްޑީޕީގައި މިހާރުތިބީ ފެއިލް ވެފައިވާ ބޭފުޅުން ކަމަށް ކާށިދޫ ދާއިރާގެ ކުރީގެ މެމްބަރު އަދި މަޝްހޫރު ވިޔަފާރިވެރިޔާ އަބުދުﷲ ޖާބިރު ވިދާޅުވެއްޖެއެވެ.

މެންދުރު ޓީވީ ޓީޓޯކް ޕޮރޮގުރާމުގަ ވާހަކަ ދައްކަވަމުން ޖާބިރު ވިދާޅުވީ އެމްޑީޕީގައި އަމިއްލަ ހައިސިއްޔަތުން ކުރު މުއްދަތެއްގައި މަސައްކަތްކޮށްފައި ވާނެ ކަމަށެވެ. އަދި އެމްޑީޕީން ވަކިވެގެން އެހެން ޕާޓީ އަކާ ގުޅުނީ ކުރާ މަސައްކަތުން ނެރެން ބޭނުންވާ ނަތީޖާ ނުނެރެވޭތީ ކަމަށް ވެސް ޖާބިރު ފާހަގަކުރެއްވެވި އެވެ.  

Ad by Hajj Corporation

"ފުރަތަމަ ވެގެން ދިޔައީ އެއީ އެންމެންގެ ޕާޓީއަކަށް. ފަހުން ދެ ޢާއިލާއެއްގެ ޕާޓީއަކަށް. އެހާހިސާބުން ޕާޓީ އަށް ލިބެން ޖެހޭ މޫރިތިކަމާއި، ކީރިތިކަމާއި، ކުރިއަރަންޖެހޭ ފުރުސަތުތައް ގުޅުން ކެޑިގެންދިޔައީ،" ޖާބިރު ވިދާޅުވިއެވެ.

ޕާޓީއެއްގެ ސިފަގެއްލި، އާއިލީ އެއްޗަކަށް އެމްޑީޕީ ބަދަލުވެ، ދެ އާއިލާ ދޭތެރޭ ޕާޓީ ތާށިވެފައިވާ ކަމަށް ޖާބިރު ސިފަކުރެއްވެވި އެވެ.