ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒުގެ ހަރުދަނާ ސިޔާސަތުތަކުން ރާއްޖެއަށް އަންނަނީ ބޮޑެތި ކުރިއެރުންތަކެއް ލިބެމުން ކަމަށް ރައްޔިތުންގެ މަޖިލީހުގެ މާފަންނު ދެކުނު ދާއިރާގެ މެމްބަރު އަބްދުﷲ ރިފާއު (ބޮޗޭ) ވިދާޅުވެއްޖެއެވެ.

މެންދުރު ޓީވީގެ މައުޟޫއު ޕްރޮގްރާމުގައި ވާހަކަދައްކަވަމުން މެމްބަރު ރިފާއު ވިދާޅުވީ ރައީސް މުއިއްޒުގެ ސިޔާސަތުތަކާއެކު ރާއްޖޭގެ ކަންކަން އުއްމީދުކުރިވަރަށްވުރެ މާ ރަނގަޅު ވަމުންދާ ކަމަށެވެ. މިސާލެއްގެ ގޮތުން ދުނިޔޭގެ އެންމެ ބޮޑު އެއް ކްރެޑިޓް ރޭޓިން އޭޖެންސީ ކަމަށްވާ މޫޑީސް އިން ރާއްޖޭގެ ކްރެޑިޓް ރޭޓިން 'ސީ.އޭ.އޭ.2' އިން 'ސީ.އޭ.އޭ.1' އަށް މަތިކޮށް، ރޭޓިންގެ އައުޓްލުކް 'ސްޓޭބަލް' އަށް ބަދަލުކޮށްފައިވާކަން މެމްބަރު ފާހަގަ ކުރެއްވިއެވެ. އަދި ރަސްމާލޭގައި ހިންގުމަށް ހަމަޖެހިފައިވާ "މޯލްޑިވްސް ވޯޓާފްރޮންޓް އެންޑް މެރީނާ" މަޝްރޫއުއަށް އަލިއަޅުއްވާލައްވަމުން ވިދާޅުވީ މިފަދަ ބޮޑެތި ޕްރޮޖެކްޓުން އަޅުގަނޑުމެންގެ ކްރެޑިޓް ރޭޓިންގ ވެސް އިތުރަށް ހަރުދަނާ ވެގެންދާނެ ކަމަށެވެ.

Ad by Hajj Corporation

ފޮރިން އިންވެސްޓުމެންޓްތަކަށް އިތުބާރު އަޅުގަނޑުމެންނަށް ލިބިގެންދާނެ. އެއީ ހަގީގަތުގައި މިވަރުގެ ބޮޑު ޕްރޮޖެކްޓެއް ރާއްޖޭގައި ހިންގާނީ ހަމަގައިވެސް ރާއްޖޭގެ ސަރުކާރާއި އަދި ރާއްޖޭގެ ރައްޔިތުންނާ ދޭތެރޭގައި ބޭރުގެ ފަރާތްތަކަށް އިތުބާރު އޮތީމަ: ރިފާއު

މެމްބަރު ރިފާއުގެ ވާހަކައިގައި މި ޕްރޮޖެކްޓާއެކު ދިވެހިންނަށާއި ރާއްޖެއަށް ލިބިގެންދާނެ ފައިދާއާ ދޭތެރޭގައި ވިސްނާލުން މުހިންމު ކަމަށް ވިދާޅުވިއެވެ.