ރާއްޖޭގައި ވަޒީފާ އަދާކުރާ ބިދޭސީންނާއި ގުޅިގެން ދައްކަންޖެހޭ ފީ އާއި ޖޫރިމާނާގެ ގޮތުގައި ދައުލަތަށް ލިބެންޖެހޭ 1.7 ބިލިއަން ރުފިޔާގެ ތެރެއިން 1 ބިލިއަން ރުފިޔާ ހޯދައިފި އެވެ.

ބިދޭސީންގެ ފީތައް ނުދައްކައިގެން 1،026 ކުންފުންޏެއްގެ ނަން ދާދި ފަހުން އާންމުކުރިއިރު، އޭގެ ތެރެއިން 123 ކުންފުންޏަކުން ދައުލަތަށް ދައްކަން ޖެހޭ އަދަދު އެއް މިލިއަނަށް ވުރެ ގިނައެވެ.

Ad by Hajj Corporation

ބައެއް ކުންފުނިތަކުން ދައްކަން ޖެހޭ ފައިސާގެ އަދަދު އުޅެނީ 26 މިލިއަނަށް ވުރެ މަތީގަ އެވެ.

ލިސްޓު އާއްމުކުރުމުން 20 އަށް ވުރެ ގިނަ ކުންފުންޏަކުން ފައިސާ ދައްކާފައިވެ އެވެ.

ބިދޭސީންނާ ގުޅޭ އެއްވެސް ޖޫރިމަނާއެއް މިހާތަނަށް ނުދައްކާ 7،501 ފަރާތްތަކަށް އެކްސްޕެޓް ސިސްޓަމަށް ނުވަދެވޭ ގޮތަށް ވަނީ ބްލޮކްކޮށްފަ އެވެ.

އަދިވެސް ނުލިބި 730 މިލިއަން ރުފިޔާ އެބައޮތް ކަމަށް ހޯމް މިނިސްޓަރ އިހުސާން ވިދާޅުވި އެވެ.