މޯލްޑިވްސް އެއާޕޯޓް ކޮމްޕެނޯ ލިމިޓެޑް (އެމްއޭސީއެލް)ގެ މުވައްޒަފުންނަށް ލިބޭ ޑޮލަރުގެ އިނާޔަތް ހިމެނޭހެން އެއްވެސް އިނާޔަތެއް އުނި ނުވާނެކަމުގެ ޔަގީންކަން އެ ކުންފުނިން އަރުވައިފިއެވެ.

ކުންފުނީގެ ސީއީއޯ އަދި މެނޭޖިން ޑިރެކްޓަރު އިބްރާހީމް ޝަރީފް މުހައްމަދު ކުންފުނީގެ މުވައްޒަފުންނަށް ފޮނުވި އިންޓާނަލް މެމޯއެއްގައި ވިދާޅުވެފައިވަނީ ރާއްޖެއަށް ކުރިމަތިވެފައިވާ މާލީ ހާލަތުން އަރައިގަތުމަށް ކުރަމުން ގެންދާ މަސައްކަތްތަކާ ގުޅިގެން، އެ ކުންފުނީގެ މުވައްޒަފުންނަށް ދެމުންދާ އެއްވެސް އިނާޔަތަކަށް (ޑޮލަރުގެ އެހީ ހިމެނޭގޮތަށް) އުނިކަމެއް އަތުވެދާނެތޯ ވަރަށް ގިނަ މުވައްޒަފުން ސުވާލުކުރާ ކަމަށެވެ.

މިކަމާ ގުޅޭގޮތުން ރައީސުލްޖުމްހޫރިއްޔާއާ މަޝްވަރާކުރައްވާފައިވާކަމަށާއި މުވައްޒަފަކަށް ލިބޭ އެއްވެސް އިނާޔަތެއް އުނި ނުކުރައްވާނެކަމުގެ ފުރިހަމަ ޔަގީންކަން ރައީސް ދެއްވާފައިވާކަމަށް މެމޯގައިވަނީ ބުނެފައެވެ.