ޓެކްސް އެޕީލް ޓްރައިބިއުނަލްގެ ރައީސަކަށް ޣަނީ
މުހައްމަދު މޫސާ28 އޮކްޓޯބަރު 2024 - 05:03
ޓެކްސް އެޕީލް ޓްރައިބިއުނަލްގެ ރައީސް ކަމުގެ މަޤާމަށް އަލްއުސްތާޛު ޢަބްދުލްޣަނީ މުޙައްމަދު ހަމަޖައްސައިފިއެވެ.
އެ ޓްރެބިއުނަލްގެ ނައިބު ރައީސަކަށް ހަމަޖައްސާފައި ވަނީ ޙަސަން ޒުހައިރު މުޙައްމަދެވެ.
ޣަނީ އަކީ ސުޕްރީމް ކޯޓުގެ ކުރީގެ ފަނޑިޔާރެކެވެ.
އެ ޓްރައިބިއުނަލްގެ ހުސްވެފައިވާ 4 މެންބަރުންގެ މަޤާމަށް ދާދި ފަހުން ރައްޔިތުންގެ މަޖިލީހުގެ ރުހުމާއެކު ރައީސުލްޖުމްހޫރިއްޔާ ވަނީ މެންބަރުން އައްޔަން ކުރައްވާފައެވެ.
ޓެކްސް އެޕީލް ޓްރައިބިއުނަލްއަކީ ޓެކްސް ނެގުމާބެހޭ ޤާނޫނުގެ ދަށުން އުފައްދާފައިވާ، މިނިވަން މުސްތަޤިއްލު މުއައްސަސާއެކެވެ. މި ޓްރައިބިއުނަލްގެ މައިގަނޑު މަސްއޫލިއްޔަތަކީ ޓެކްސް ނެގުމާ ގުޅޭގޮތުން އުފެދޭ ޚިލާފުތައް ބަލައި، އެކަންކަމާ ގުޅޭގޮތުން ނިންމުންތައް ނިންމުމެވެ.
