ގުރުބާންވި ހުރިހާ ގުރުބާނީއެއް ހަނދާނަށްގެނެސް ކިޔެވި ކިޔެވުމެއްގެ ބޭނުން ޤައުމީ ފެންވަރުގައި ހިފަން ޖެހޭ ކަމަށް ރައީސުލް ޖުމްހޫރިއްޔާ ޑރ. މުހައްމަދު މުޢިއްޒު މިއަދު ވިދާލުވެއްޖެއެވެ. ރައީސް އެފަދައިން ވިދާޅުވީ ދިވެހިރާއްޖޭގެ ޤައުމީ ޔުނިވާސިޓީގެދަސްވެނިވުމުގެ ހަފްލާގައި ވާހަކަފުޅު ދައްކަވަމުނެނެވެ.

ރައީސް ވިދާޅުވީ، ކޮންމެ މީހަކުވެސް ޤައުމަށް ކޮށްދެވޭނީ ކޮންކަމެއްތޯ ބަލައިގެން އެކަމެއް ކުރަންޖެހޭ ކަމަށާއި، ހާސިލްކުރެވޭ ޢިލްމަކީ އެ ޢިލްމުގެ ބޭނުން ހިފައިގެން ޤައުމު އާރާސްތުކުރުމުގަ ބޭނުންހިފާއެއްޗަކަށް ހަދަންޖެހޭ ކަމަށެވެ. ޤައުމެއް ބިނާކުރެވޭނީ އަަބަދުވެސް ދެ ރޮގަނކުން ކަމަށާއި، އެއީ ފިކުރީ ގޮތުންނާޢި، ފިޒިކަލް ނުވަތަ ފެންނަން ހުންނަ ގޮތްގޮތުންކަމަށް ވެސް ރައީސް ވިދާޅުވިއެވެ.

އަދި ސަރުކާރުން މަސައްކަތް އެ ކުރައްވަނީ ސަރުކާރުގެ ސިޔާސަތުތަކުގެ ތެރެއިން ރައްޔިތުންނަށް އެކި ކަންކަން މަގުފަހިކޮށްދިނުމަށް ކަމަށާއި، އެގޮތުން މިއަދު ރައްޔިތުންގެ މަޖިލީހަށް ހުށަހެޅޭ ބަޖެޓަކީ ރާއްޖޭގެ ތާރީޚުގައި އެެންމެ ފުޅާމިނެއްގަ ގެދޮރުވެރިކަމަށްޓަކައި މަގުފަހިކޮށްދޭ ބަޖެޓުކަން ރައީސް ފާހަގަކުރެއްވިއެވެ. އަދި އެ ބަޖެޓު ތަންފީޒުވެގެންދާއިރު ވާނީ ބޯހިޔާވަހިކަމުގެ ބަޖެޓަކަށް ކަމަށް ރައީސް ވިދާޅުވިއެވެ.

ރައީސް ގެ ވާހަކަފުޅު ނިންމާލެއްވީ މިއަދާހަމައަށް ދަސްވެނިން ކުރި ބުރަ މަސައްކަތުގެ ފޮނި މީރުކަން އަމިއްލަ ނަފްސަށާއި، ޤައުމަށް ހޯދައިދިނުމުގެ ވަރުގަދަ ޢަޒުމުގަ ކުރިއަށް ދިޔުމަށް ދަސްވެނިންނަށް ނަސޭހަތްތެރިވަމުންނެވެ.