ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުވެގެން ދާނީ ރާއްޖޭގެ ތާރީޚްގައި ވެސް ލާމަރުކަޒީ ނިޒާމަށް އެންމެ ކުރިއެރުން ހޯއްދަވައިދެއްވި، ލާމަރުކަޒީ ނިޒާމްގެ ޗެމްޕިއަން އަކަށް ކަަމަށް މިނިސްޓްރީ އޮފް ސިޓީސް، ލޯކަލް ގަވަރންމަންޓް އެންޑް ޕަބްލިކް ވާރކްސް އާދަމް ޝަރީފް އުމަރު ވިދާޅުވެއްޖެއެވެ.

މިނިސްޓަރު ވިދާޅުވީ، ރައީސުލްޖުމްހޫރިއްޔާ ވަނީ 160 ކައުންސިލާއި ބައްދަލުކުރަށްވައި، އަމިއްލަ ފުޅަށް މައްސަލަތައް ނޯޓުކުރަށްވާފައި ކަމަށެވެ.

ރައީސް ގެންދަވަނީ އެ މައްސަލަތަކަށް ހައްލު ހޯއްދަވައިދެއްވައި، ލާމަރުކަޒީ ނިޒާމް ހަރުދަނާކޮށް، ކައުންސިލްތައް މާލީގޮތުން ބާރުވެރިކުރުވަމުންކަމަށް މިނިސްޓަރު ވަނީ ވިދާޅުވެފައެވެ.

''ރާއްޖޭގެ ލާމަރުކަޒީ ނިޒާމްގެ ޗެމްޕިއަންކަން ރައީސް ހޯއްދަވާނެ'' މިނިސްޓަރު ވިދާޅުވެފަވެއެވެ.

މީގެ އިތުރުން ކައުންސިލްތަކަށް ނިކަމެތިކަން ލިބޭނެކަމެއް ރައީސުލްޖުމްހޫރިއްޔާ ނުކުރައްވާނެކަމަށާއި، 160 އަށްވުރެ ގިނަ ކައުންސިލްތަކާ ބައްދަލުކުރައްވައި، ކައުންސިލްތަކުގެ އަޑުއެއްސެވި ހަމައެކަނި ރައީސުލްޖުމްހޫރިއްޔާ އަކީ ޑރ. މުޙައްމަދު މުޢިއްޒުކަމަށް މިނިސްޓަރު ވަނީ ވިދާޅުވެފައެވެ.