ކައުންސިލްތަކަށް ނިކަމެތިކަން ލިބޭނެ އެއްވެސް ކަމެއް ރައީސް ނުކުރައްވާނެ - މިނިސްޓަރ


03 ނޮވެމްބަރު 2024 - 15:41
ކައުންސިލުތަކަށް ނިކަމެތިކަން ލިބޭނެ އެއްވެސް ކަމެއް ރައީސް ޑރ މުޙައްމަދު މުޢިއްޒު ނުކުރައްވާނެ ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވަޒީރު އާދަމް ޝަރީފު އުމަރު ވިދާޅުވެއްޖެއެވެ.
އާދަމް ޝަރީފު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ 160 އަށް ވުރެ ގިނަ ކައުންސިލާ ބައްދަލުކުރައްވާ ކައުންސިލްތަކުގެ އަޑު އެއްސެވި ހަމައެކަނި ރައީސްއަކީ ޑރ. މުހައްމަދު މުއިއްޒު ކަމަށެވެ.
އަދި ހަމައެހެންމެ ކުރިއަށް އޮތް ދެ އަހަރުތެރޭ 120 އަށް ވުރެ ގިނަ ކައުންސިލް އިދާރާގެ އިމާރާތް އަޅުއްވާނެ ކަމަށް ވެސް ވިދާޅުވިއެވެ.
"ކައުންސިލުތަކަށް ނިކަމެތިކަން ލިބޭނެ ކަމެއް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނުކުރައްވާނެ ކަމުގެ ޔަގީންކަން އަޅުގަނޑަށް އެބައޮތް." ވަޒީރު ވިދާޅުވިއެވެ.
އަންނަ އަހަރު ވެސް ގާނޫނާ އެއްގޮތަށް ކައުންސިލްތަކަށް ބަޖެޓް ލިބޭނެ ކަމަށް ރައީސް ވިދާޅުވި ކަމަށާއި، އެ ކަމަށް ޓަކައި ރައީސް މުއިއްޒަށް ޝުކުރުއަދާކުރައްވާ ކަމަށް ވަޒީރު ކުރެއްވި ޕޯސްޓްގައި ލިޔުއްވާފައިވެއެވެ.
އިތުރު ލިޔުންތައް

ވެރިކަން ކުރާ ރަށަކީ "މާލެ"، "ކ.މާލެ" އެއްނޫން: ވަޒީރު
7 މަސް ކުރިން
ރައީސް ގެންދަވަނީ ދިވެހިން ފަޚުރުވެރިވާވަރަށް އަޑު އުފުލަމުން: އާދަމް ޝަރީފް
6 މަސް ކުރިން
ރައީސްގެ ސިޔާސަތުތަކާ، ކައުންސިލުތަކުން ކުރެވޭ މަސައްކަތްތައް އެއް ގޮތްވާންޖެހޭ: އާދަމް ޝަރީފު
5 މަސް ކުރިން