logoEN
ޚަބަރު

ވެރިކަން ކުރާ ރަށަކީ "މާލެ"، "ކ.މާލެ" އެއްނޫން: ވަޒީރު

ސިޓީތަކާ ބެހޭ ވަޒީރު އާދަމް ޝަރީފް އުމަރު -- ފޮޓޯ/ ޓްވިޓާ

ސިޓީތަކާ ބެހޭ ވަޒީރު އާދަމް ޝަރީފް އުމަރު -- ފޮޓޯ/ ޓްވިޓާ

އަބްދުﷲ ޖަޒްލާންއަބްދުﷲ ޖަޒްލާން

14 ސެޕްޓެމްބަރު 2024 - 10:42

ރިކަން ކުރާ ރަށަކީ "މާލެ" ކަމަށާއި "ކ.މާލެ" އެއްނޫންކަމަށްސިޓީތަކާ ބެހޭ ވަޒީރު އަދި މަޑުއްވަރީ ދާއިރާގެ ކުރީގެ މެންބަރު އާދަމް ޝަރީފު އުމަރު ވިދާޅުވެއްޖެއެވެ.

ވަޒީރު އެފަދައިން ވިދާޅުވީ ދިވެހި ބަހުގެ ގާނޫނުގައި އެ ލަފްޒު ބޭނުންކުރެވޭނެ ހާލަތްތައް ބަޔާންކުރައްވައި "އެކްސް"ގައި ކުރެއްވި ޕޯސްޓެއްގައެވެ . އެގޮތުން ވަޒީރު ވިދާޅުވީ ގާނޫނޫ އަސާސީގެ 14 ވަނަ ބާބުގައި ކަނޑައަޅާފައިވާ ގޮތުން ވެރިކަން ކުރާ ރަށަކީ މާލެ ކަމަށެވެ. އަދި ވެރިކަން ކުރާ ރަށަކީ "ކ.މާލެ" ކަމަށް އެއްވެސް ހާލަތެއްގައި ގާނޫނު އަސާސީގައި ވެސް ސަރުކާރުގެ ރަސްމީ ލިޔުމެއްގައިވެސް ބަޔާންކޮށްފައި ނުވާނެ ކަމަށް ވަޒީރު ވިދާޅުވިއެވެ.

ވަޒީރު ވިދާލުވީ ކ. އަތޮޅުގައި މާލެ ހިމެނިނުނު ކަމުގައި ވިޔަސް ވެރިކަން ކުރާ ރަށަކީ މާލެކަމަށް ވުމުން ލިޔާއިރު "މާލެ" މި ލަފްޒުގެ ކުރިއަށް "ކ" އިތުރުކޮށްގެން ލިޔެނޫޅޭ ކަމަށެވެ. އަދި އެފަދައިން ކިޔުން ވެސް އަދި ލިޔުމަކީ ވެސް ގާނޫނު އަސާސީއާ ޙިލާފު ކަމެއް ކަމަށް ވަޒީރު ވިދާޅުވިއެވެ. އަދި އެފަދަ ކަންކަން އިތުރުވަމުން އަންނަ ކަމަށާއި، އެކަމަކީ އެއްވެސް ހާލެއްގައި ކުޑަ ކަމެއް ނޫންކަމަށް ވެސް ވަޒީރު ވިދާޅުވިއެވެ.

ވަޒީރުގެ އެ ވާހަކަތަކަށް ގިނަ ފަރާތްތަކުން ވަނީ ޙިޔާލުފާޅުކޮށް ކ.މާލެ މިހެންވެސް ބޭނުން ކުރެވޭނެ ކަމަށް ބުނެފައެވެ.

ކޮމެންޓް

871x217_placeholder