ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ގެންދަވަނީ ދިވެހިން ފަޚުރުވެރިވާވަރަށް ދިވެހިންގެ އަޑު އުފުލަމުން ކަމަށް މިނިސްޓަރ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް އާދަމް ޝަރީފް ވިދާޅުވެއްޖެއެވެ.

އެކުވެރި ދައުލަތްތައް (އދ.)ގެ އާންމު މަޖިލީހުގެ 79 ވަނަ ސެޝަނުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ ޑރ. މުޢިއްޒު މިވަގުތު ހުންނެވީ އެމެރިކާގައެވެ.

މިނިސްޓަރު އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސުލްޖުމްހޫރިއްޔާގެ މި ދަތުރުފުޅުގައި އެމަނިކުފާނު ގެންދަވަނީ ދިވެހިން ފަޚުރުވެރިވާ މިންވަރަށް ރާއްޖެ ތަމްސީލްކޮށްދެއްވައި ދިވެހިންގެ އަޑު އުފުލަމުންނެވެ.

‘’ދިވެހިރާއްޖޭގެ މަސްލަހަތާއި ދިވެހިންގެ އިހްސާސްތަކާއި ވިންދާއި އެއްގޮތަށް ދިވެހި ޤައުމު އިސްކުރެއްވުމުގެ ސަބަބުން ރައީސުލްޖުމްހޫރިއްޔާއަށް އޮންނަ އިތުބާރާ ޔަގީންކަން އިތުރުވޭ’’ މިނިސްޓަރު ވިދާޅުވެފައެވެ.

މިނިސްޓަރު ވިދާޅުވި ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ތަގުރީރުތަކުގައި އެންމެ ހާއްސަ އެއް ކަމަކީ ޤައުމިއްޔަތު ބިނާކުރަށްވަން ދެއްވާ އަހަމިއްޔަތެވެ.