ލ. ހުޅިމެންދޫގައި ފަސްތަރީގެ ޓްރެއިނިންގް ރިސޯޓެއް ތަރައްގީ ކުރުމުގެ އެއްބަސްވުމުގައި ސޮއި ކޮށްފިއެވެ.

މި އެއްބަސްވުމުގައި ސޮއި ކުރީ ޓޫރިޒަމް މިނިސްޓަރ އިބްރާހިމް ފައިސަލް އަދި، ދިވެހިރާއްޖޭގެ ގައުމީ ޔުނިވަރސިޓީގެ ފަރާތުން ވައިސް ޗާންސެލަރް ޑރ ޝެހެނާޒް އާދަމެވެ.

Ad by Hajj Corporation

މި ރަސްމިއްޔާތުގައި ވާހަކަފުޅުދައްކަވަމުން ޓޫރިޒަމް މިނިސްޓަރު، އިބްރާހިމް ފައިސަލް ވިދާޅުވީ، މިހާތަނަށް ޒުވާން މަސަތްކަތްތެރިންނަށް މި ސިނާއަތުގެ ތައުލީމް އުންގެނޭނެގޮތެއް ފަހިކޮށްދީފައި ނުވާކަމަށެވެ. އަދި ވީހާވެސް އަވަހަށް އެމް.އެން.ޔޫ އާއެކު މި މަޝްރޫކުރިޔަށް ގެންދަން ބޭނުންވާކަމަށްވެސް ވިދާޅުވިއެވެ.

މިހާރު އަޅުގަނޑަށް ފާހަގަ ކުރެވުނު ކަމަކީ، މި ހިސާބަށް މި ސިނާޔަށް އައި އިރު، ދިވެހިރާއްޖޭގެ ފަތުރުވެރިކަމުގެ ސިނާޔަތުގައި މަސަތްކަތްކުރާ މަސަތްކަތްތެރިންނަށް، އަދި ދިވެހި ޒުވާނުންނަށް، މި އިންޑަސްޓްރީގެ ތައުލީމް އުނގެނުމުގެ ފުރުސަތުފަހިވެފައި ނެތުން.

މީގެ އިތުރުން އެމް.އެން.ޔޫގެ ވައިސް ޗާންސެލަރް ޑރ ޝެހެނާޒްގެ ވާހަކަފުޅުގައި ފާހަގަކުރެއްވީ، މި ކަމުގެ ސަބަބުން ދިވެހި ދަރިވަރުންނަށް ބައިނަލްއަގްވާމީ މައިދާނުގައި ވާދަކުރެވޭނެ ގާބިލްކަން ލިބޭނެކަމެވެ. އަދި ދުނިޔޭގެ އެކި ކަންކޮޅުތަކުން މި މަރުކަޒަށް ދަރިވަރުންނާ ދިރާސާކުރާ ފަރާތްތައް އަންނާނެކަމަށްވެސް ބެލެވެއެވެ.

ފަސްތަރީގެ ޓްރެއިނިންގް ރިސޯޓެއް ތަރައްގީ ކުރުމަކީ ރައީސުލްޖުމްހޫރިއްޔާގެ ރިޔާސީ ވައުދުފުޅެކެވެ.