އިސްލާމީ މަރުކަޒަށް 40 އަހަރު ފުރުމާ ދިމާކޮށް ހާއްސަ ޖަލްސާއެއް ބޭއްވުމަށް ނިންމާފައިވާކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ވިދާލުވެއްޖެއެވެ.

ވަޒީރު މިފަދައިން ވިދާޅުވީ މިއަދު ކުރެއްވި އެކްސް ޕޯސްޓެއްގައެވެ. ވަޒީރު ވިދާޅުވީ އިސްލާމީ މަރުކަޒަށް 40 އަހަރު ފުރުމާ ގުޅިގެން ޚާއްޞަ ޖަލްސާއެއް ބޭއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިރުޝާދު ދެއްވާފައިވާކަމަށާއި މަރުކަޒުގެ ކަންކަމަށް ރައީސް ޚާއްޞަ ސަމާލު ކަމެއް ދެއްވާކަމަށެވެ. މަރުކަޒުގެ ފުރިހަމަ މަރާމާތެއް އަންނަ އަހަރު ކުރާނެކަމަށާއި އަދި މި ސަރުކާރުން ރައްކާތެރިކަމާއެކު މަރުކަޒު ބަލަހައްޓާނެކަމަށް ވަޒީރު ވިދާޅުވިއެވެ.

Ad by Hajj Corporation

ވަޒީރުވަނީ ރާއްޖޭގެ ރައްޔިތުން ލޯބިވާ އިސްލާމީ މަރުކަޒަށް 40 އަހަރު ފުރުމުގެ މުނާސަބުގައި އިސްލާމީ ތަރުބިޔަތާއި ތަޢުލީމާއި ތަމްރީނުގެ މަރުކަޒެއް ބިނާކޮށްދެއްވީތީ ކުރީގެ ރައީސް މައުމޫނު އަބްދުލްޣައްޔޫމްއަށް ޙައްޤު ޝުކުރު އަދާކުރައްވާފައެވެ.

އިސްލާމީ މަރުކަޒަށް 40 އަހަރު ފުރުނީ މިއަދުއެވެ. އިސްލާމީ މަރުކަޒު ތަރައްޤީކޮށް ހުޅުވާފައިވަނީ 11 ނޮވެންބަރު 1984 ވަނަ އަހަރުގައެވެ. މި މަރުކަޒު ބިނާ ކުރުމަށްޓަކައި އިސްލާމީ އެކި ޤައުމުތަކުގެ އެހީތެރިކަން ރާއްޖެއަށް ލިބިފައިވެއެވެ.