ބ. އަތޮޅުން ފެށިގެން މ.އަތޮޅަށް ހުދު ސަމާލު ނެރެފި
މޫސާ ވަސީމް
31 އޯގަސްޓު 2024 - 09:16
ބ.އަތޮޅުން ފެށިގެން މއަތޮޅަށް ބޯކޮށް ވާރޭ ވެހޭނެ ކަމަށް ލަފާކޮށް، ހުދު ސަމާލު ނެރެފި. މޫސުމާ ބެހޭ ޤައުމީ އިދާރާއިން މި ސަމާލު ނެރެފައިވަނީ މިއަދު މެންދުރު އެކަކުން ފެށިގެން އިރުއޮއްސި ހައެއް ޖަހަންދެންނެެވެ. މި ވަގުތުގައި ބޯކޮށް ވާރޭވެހި ގުގުރާނެ ކަމަށްވެސް މޫސޫމާބެހޭ ޤައުމީ އިދާރާއިން ވަނީ ލަފާކޮށްފައެވެ. މީގެ އިތުރުން ހއ އަތޮޅަށް ވެސް މިއަދު ފަސްގަޑި ފަނަރައާއި ހަމައަށް ބޯކޮށް ވާރޭ ވެހުމާއެކު ގުގުރާ، ވިލާގަނޑުގައި ގަޑިއަކު 35 މޭލަށް ވައި ގަދަވާނެ ކަމަށްވެސް ލަފާކޮށްފައިވެއެވެ. މޫސުމާބެހޭ ޤައުމީ އިދާރާއިން ވަނީ ހއ. އަތޮޅުން ބ.އަތޮޅަށް ވެސް ވަނީ ހުދު ސަމާލު ނެރެފައެވެ.
