އިންޑިއާގެ ބެންގަލޫރުގެ ހޮޓަލެއްގައި ދިވެއްސަކު ނިޔާވެފައި އޮއްވައި ފެނިއްޖެއެވެ.

މިދިޔަ ބުދަ ދުވަހު މަރުވެފައި އޮއްވާ ފެނުނީ 43 އަހަރުގެ ހަސަން ސުހައިލް ނަމަކަށް ކިޔާ ދިވެއްސެކެވެ. އިންޑިއާގެ ނޫސްތަކުގައި ތަހުގީގީ އިދާރާތަކާ ހަވާލާދީ ރިޕޯޓްކޮށްފައިވާ ގޮތުގައި އޭނާ ނިޔާވީ ލޭގެ ޕްރެޝަރު ދަށްވުމާއި ޑީހައިޑްރޭޝަންގެ ސަބަބުން ހާޓް އެޓޭކެއް ޖެހިގެންނެވެ.ނޫސްތަކުން ރިޕޯޓުކުރާ ގޮތުގައި އޭނާގެ މަރާ މެދު ޝައްކުތަކެއް ކުރެވުނު ނަމަވެސް އާއިލާ އިން ޕޯސްޓްމޯޓަމް ހަދަން އަދި ހުއްދަ ނުދޭތީ އޭނާގެ ހަށިގަނޑު މިވަގުތު އޮތީ ރަމާއިއާ ހޮސްޕިޓަލްގެ މޯޗަރީގަ އެވެ.