ކޮންމެ އަހަރެއްގެ ވެސް ނޮވެމްބަރު މަހުގެ 19 ވަނަ ދުވަހު ފާހަގަކުރާ ބައިނަލްއަގްވާމީ ފިރިހެނުންގެ ދުވަހަކީ ފިރިހެނުން މުޖުތަމައުއަށް ކޮށްދޭ ހިދުމަތްތަކުގެ އަގު ވަޒަންކުރުމުގެ އިތުރުން ކުރިމަތިވާ ގޮންޖެހުންތަކާ މެދު ހޭލުންތެރިކަން އިތުރުކުރުމުގެ ގޮތުން ދުނިޔޭގެ ފެންވަރުގައި ފާހަގަކުރާ ދުވަހެކެވެ.

ބައިނަލްއަގްވާމީ ފިރިހެނުންގެ ދުވަހުގެ ގޮތުގައި ވަކި ދުވަހެއް ކަނޑައެޅިގެން ފާހަގަ ކުރަނީ ފިރިހެނުން ނާއި ފިރިހެން ކުދިންގެ ސިއްހަތު ޕްރޮމޯޓްކޮށް އެކަމަށް ފޯކަސް ކުރުމަށާއި މިންތީގެ ހަމަހަމަކަން ގާއިމް ކުރުމާއެކު ފިރިހެން ރޯލް މޮޑެލުން ޕްރޮމޯޓް ކުރުމަށާއާއި މުޖްތަމައު އާއި އާއިލާ ބިނާކުރުމުގައި ފިރިހެނުން ކުރާ މަސައްކަތް ފާހަގަކުރުމުގެ ބޭނުމުގައެވެ.

ދުނިޔޭގެ 80 އަށްވުރެ ގިނަ ގައުމުގައި ބައިނަލްއަގްވާމީ ފިރިހެނުންގެ ދުވަސް މިހާރު ފާހަގަކުރަމުންދެއެވެ. ރާއްޖޭގައިވެސް ބައެއް އޮފީސްތަކުގައާއި އަމިއްލަ ބައެއް ފަރާތްތަކުން މި ދުވަސް ފާހަގަކުރަމުން އާދެއެވެ.

1999ވަނަ އަހަރުން ފެށިގެން ފިރިހެނުންގެ ދުވަސް ފާހަގަ ކުރަމުން އައީ ޞުލްޙަވެރި ކަމާއެކު ކަންކަން ޙައްލު ކުރުމަށް ބާރުއެޅުމަށާއި އެކަމަށް ހިތްވަރު ދިނުމުގެ ގޮތުންނެވެ. މިހާރު އަމާޒު ކޮންމެވެސް ވަރަކަށް މިވަނީ ބަދަލުވެފައެވެ.

ފިރިހެނުންނަށް ކުރިމަތިވާ ކޮންމެ ހިތް ނުވަތަނަވަސް ކަމަކީ ނުވަތަ އުދާހަކީ އޭގެ ސަބަބުން އާއިލާތަކަށް އަދި ޖުމްލަގޮތެއްގައި މުޅި މުޖްތަމައަށް ވެސް އޭގެ ނޭދެވޭ އަސަރު ފޯރާ ކަންކަމެވެ، މިއީ މުޅީ ދުނިޔޭގައި ވެސް މިކަން އޮތް ގޮތެވެ. އެހެންކަމުން އާއިލާ އާއި މުޖުތަމަޢުތައް ބަދަހި ކުުރުމަށްޓަކައި ފިރިހެނުންނަ ކުރިމަތިވާ މައްސަލަ ތަކާމެދު މުޅި މުޖުތަމަޢު ހޭލުންތެރި ކުރުމަކީ މުހިއްމު ކަމެކެވެ.