މާލޭގެ ކެފޭއެއްގައި މިރޭ ހިނގި މާރާމާރީއެއްގައި މީހަކު ޒަހަމްކޮށްލައިފި އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ އެ މާރާމާރީ ހިންގީ މާފަންނު ޝަހީދު އަލީ ގޯޅީގައި ހުރި ކެފޭއެއްގައި ކަމަށެވެ.

Ad by Hajj Corporation

އަދި އެ މާރާމާރީ ގައި އަނިޔާވި މީހާއަށް މިހާރު އައިޖީއެމްއެޗުގައި ފަރުވާދެމުންދާ ކަމަށް ވެސް ފުލުހުން ބުންޏެވެ. އެއީ 44 އަހަރުގެ ފިރިހެނެކެވެ.

އެ މައްސަލައިގެ އިިތުރު ތަފްސީލެއް ފުލުހުން ނުދެ އެވެ. އަދި ލިބުނީ ކޮން އަނިޔާއެއް ކަމެއް ވެސް ސާފެއް ނުވެ އެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.