މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ހިންގުން ވަގުތީގޮތުން ހަޔަރ އެޑީއުކޭޝަން މިނިސްޓަރ ޑރ. މަރިޔަމް މާރިޔާ އާއި ހަވާލު ކުރައްވައިފި އެވެ.

މިނިސްޓްރީ އޮފް އެގްރިކަލްޗަރގެ ހިންގުން ޑރ މާރިޔާ އާއި ހަވާލުކުރެއްވީ ސިއްހީ ހާލުކޮޅު ހުރި ގޮތުން އެމަގާމުގައި ހުންނެވި ޑރ. އައިޝަތު ރަމްލާ މިއަދު މަގާމުން އިސްތިއުފާ ދެއްވުމުންނެވެ.

ރައީސް އޮފީހުން ބުނީ ޞިއްޙީ ހާލުކޮޅު ހުރިގޮތުން މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރގެ މަޤާމުގައި ހުންނެވި ޑރ. އައިޝަތު ރަމީލާ މިއަދު އެމަގާމުން އިސްތިއުފާ ދެއްވާފައިވާތީ އެ މިނިސްޓްރީ ވަގުތީގޮތުން ހިންގެވުން މިނިސްޓަރ އޮފް ހަޔަރ އެޑިޔުކޭޝަން، ޑރ. މަރްޔަމް މާރިޔާ އާއި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ހަވާލުކުރައްވާފައިވާ ކަމަށެވެ.

މިނިސްޓަރު ރަމީލާ އުޅުއްވަނީ ކެންސަރުގެ އާލާސްކަންފުޅެއްގަ އެވެ. މަގާމާ ހަވާލުވެވަޑައިގެން ކުޑަ ދުވަސްކޮޅެއްގެ ތެރޭގައި ހައިޕަތާމިކް އިންޓްޕެރިޓޮނިއަލް ކިމޯތެރަޕީ އަދި ރޭޑިއޭޝަން ނެގުމަށް ރާއްޖޭން ބޭރަށް ވެސް ވަޑައިގެންނެވި އެވެ.