ރާއްޖޭގައި ހުރި ހުރިހައި ނިޒާމެއް، ލާމަރުކަޒީ ނިޒާމަށް ފަހިވެފައި އަދި ނެތް: އާދަމް ޝަރީފް

ރާއްޖޭގައި ހުރި ހުރިހައި ނިޒާމެއް، ލާމަރުކަޒީ ނިޒާމަށް ފަހިވެފައި އަދި ނެތް ކަމަށް މިނިސްޓަރ ވަނީ ވިދާޅުވެފައި

03 ޑިސެމްބަރު 2024 - 10:54
ރާއްޖޭގައި ހުރި ހުރިހައި ނިޒާމެއް، ލާމަރުކަޒީ ނިޒާމަށް ފަހިވެފައި އަދި ނެތް ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއްވެ.
އެ މަނިކުފާނު މިހެން ވިދާޅުވީ މަތިވެރި ކައުންސިލުން ހިންގި މާލީ ބަޔާން ތައްޔާރުކުރާނެ ގޮތުގެ ތަމްރީނު ޕްރޮގްރާމް ނިންމުމުގެ ރަސްމިއްޔާތު ޝަރަފުވެރިކޮށްދެއްވާ ދެއްކެވި ވާހަކަފުޅުގައެވެ.
އިއްޔެ ހަވީރު މަތިވެރީގައި އޮތް މި ރަސްމިއްޔަތުގައި ވަޒީރުދެއްކެވި ވާހަކަފުޅުގައި، ތަނެއް އޯޑިޓްކުރާ ވާހަކަ މީހަކު ބުނެފި ނަމަ އެ ތަނެއްގައި އުޅޭ ބަޔަކު މީގެ ކުރިން ބިރުގަންނަ ކަމަށާ، ނަމަވެސް އޯޑިޓްކުރުމަކީ ނުވަތަ އޯޑިޓް ރިޕޯޓެއް ނެރުމަކީ ތަނެއްގައި ގޯހުން ކަމެއް ދާނަމަ އެ ކަމެއް ރަނގަޅުކުރުމަށް އެހީތެރިވެދީ އެ ކަމެއް ރަނގަޅުކުރާނެ ގޮތް ބުނެދިނުން ކަމަށް ވަޒީރު ވިދާޅުވިއެވެ.
މި ރަސްމިއްޔާތުގައި ވަޒީރު އާދަމް ޝަރީފު ޢުމަރު ދެއްކެވި ވާހަކަފުޅުގައި ތަމްރީނު ޕްރޮގްރާމުތަކަކީ ނުވަތަ ޕޮރޮފެޝަނަލް ޑިވޮލޮޕްމެންޓް ޕްރޮގްރާމުތަކަކީ ނުހަނު ބޭނުންތެރި އޭގެ ސަބަބުން ގިނަގުނަ ފައިދާތަކެއް މުއައްސަސާތަކަށް ލިބިގެންދާނެ ކަމެއްކަމަށް ވިދާޅުވިއެވެ. އަދި ކުރިއަށް އޮތްތަނުގައި މި ފަދަ ޕްރޮގްރާމުތައް ރާއްޖޭގެ ތަފާތު ކަންކޮޅުތަކުގައި ހިންގުމަށް އިސްކަންދެއްވާނެ ކަމަށް ވިދާޅުވިއެވެ. އިތުރަށް އެ މަނިކުފާނު ވިދާޅުވީ އެނގިގެން ކުރާ މަސައްކަތްތަކާ ނޭނގި ކުރާ މަސައްކަތްތަކުގައި ބޮޑެތި ތަފާތުތަކެއް ހުންނަ ފަދައިން އެނގިގެން މަސައްކަތްކުރުމަކީ ކުރާ މަސައްކަތް އިތުރަށް ހަލުއިވެގެންދާ ކަމެއް ކަމަށެވެ.
މަތިވެރިކައުންސިލާއި، އޮޑިޓަރ ޖެނަރަލް އޮފީސް ގުޅިގެން މަތިވެރީގައި ހިންގި، މާލީ ބަޔާން ތައްޔާރުކުރާނެ ގޮތުގެ ތަމްރީނު ޕްރޮގްރާމް ނިންމުމުގެ ރަސްމިއްޔާތުގައި ވަޒީރު އާދަމް ޝަރީފު ޢުމަރު ދެއްކެވި ވާހަކަފުޅުގައި، އޮޑިޓަރ ޖެނަރަލް އޮފީހަކީ، ދައުލަތުގެ މާލިއްޔާތަށް އަދި ރައްޔިތުންގެ މުދަލަށް ވަރަށް ބޮޑަށް ހުސިޔާރުވާ، އަދި އެއީ ރައްޔިތުންގެ މުދާކަން ދަނެގެން މަސައްކަތްކުރާ މުއައްސަސާއެއް ކަމަށް ވިދާޅުވިއެވެ.
އިއްޔެ ހަވީރު މަތިވެރީގައި އޮތް މި ރަސްމިއްޔަތުގައި އޮޑިޓަރ ޖެނަރަލާއި، އަރިއަތޮޅު އުތުރުބުރީ އަތޮޅު ކައުންސިލްގެ ރައީސާއި، މަތިވެރި ކައުސިލްގެ ރައީސާއި، އަތޮޅު ކައުންސިލާއި، މަތިވެރި ކައުންސިލްގެ މެންބަރުންނާއި، މި މިނިސްޓްރީގެ ސްޓޭޓް މިނިސްޓަރ މުޙައްމަދު މާހިރާއި، ޝަރަފުއްދީން އަބޫބަކުރާއި އަދި އއ. އަތޮޅު ބެލެހެއްޓުމާއި ޙަވާލުވެ ހުންނެވި މި މިނިސްޓްރީގެ ނާއިބު އަޙްމަދު ޙަލީމް ބައިވެރިވެ ވަޑައިގެންނެވިއެވެ.
އިތުރު ލިޔުންތައް

ހުރިހާ އަތޮޅެއްގައި އައިޑީ ކާޑާއި ޕާސްޕޯޓްގެ ޚިދުމަތް މި އަހަރު ފަށާނަން - މިނިސްޓަރ
6 މަސް ކުރިން
އެގްރި ބޯޓުގެ ހިދުމަތާއިއެކު ކާބޯތަކެތީގެ ރައްކާތެރިކަން ކަށަވަރުވާނެ: އާދަމް ޝަރީފް
6 މަސް ކުރިން
މި ސަރުކާރުން ކައުންސިލްތަކުގެ ގާނޫނީ ޒިންމާ އަދާކުރުމަށް މަގުފަހިކޮށްދޭ: ވަޒީރު
6 މަސް ކުރިން