މިދިޔަ މަހު އެކަނިވެސް މާލޭގެ މަގުމައްޗަށް ކުނި އެޅުމުގެ 34 މައްސަލައެއް
2 ސެޕްޓެމްބަރު 2024 - 13:50
މިދިޔަ މަހު އެކަނިވެސް މާލޭގެ މަގުމައްޗަށް ކުނި އެޅުމުގެ 34 މައްސަލައެއް ރިޕޯޓުކޮށްފައިވާ ކަމުގައި މާލެ ސިޓީ ކައުންސިލުން ބުނެފިއެވެ.
އެކަން ހާމަކޮށް ސިޓީ ކައުންސިލުން ސޯޝަލް މީޑިޔާގައި އާންމު ކުރި ރިޕޯޓެއްގައި ބުނީ، ސިޓީ ކައުންސިލުގެ ކޮމިޔުނިޓީ އެންގޭޖްމަންޓް ޔުނިޓުން މިދިޔަ މަހު ވެސް، މާލޭގައި ހިނގި މުހިންމު ގިނަ ކަންކަމަށް އެޓެންޑްވެފައިވާ ކަމަށެވެ.
އެގޮތުން ލޭގެ ސާފުތާހިރުކަމާއި އާންމު ތަރުތީބާއި މަގުމަތީގެ ގަވާއިދުތަކަށް އަސަރުކުރާ ގިނަ ކަންބޮޑުވުންތަކެއް އެކަންކަމުން ފާހަގަ ކުރެވުނު ކަމުގައި އެ ރިޕޯޓުގައި ބުންޏެވެ.
އެގޮތުން އެ ރިޕޯޓުގައި ހާމަކޮށްފައިވާ، ދިމާވެ އަދި ބެލުނު މައްސަލަތަކުގެ ތެރޭގައި:
- މަގުމައްޗާއި ގޯޅިތަކާއި ހުސްބިންތަކަށް ކުނިއެޅުމުގެ 34 މައްސަލަ
- ބޯޑުނެތި މަގުމަތީ ގަވާއިދާ ހިލާފަށް މަސައްކަތްކުރުމުގެ ތިން މައްސަލަ
- ފިހާރައިން ބޭރުގައި މުދަލާއި އަދި ތަކެތި ބެހެއްޓުމުގެ މައްސަލައެއް
- އޭސީ، ދިޔަދޮވި އަދި އެހެނިހެން ގޮތުން މަގުމައްޗަށް ފެންފޭބުމުގެ އަށް މައްސަލަ
- ހުއްދަ ނެތި ކައްކާ، ކާބޯތަކެތި ވިއްކާ ތަންތަން ބަލާ ފާސްކުރުމުގެ ހަތަރު މައްސަލަ
- އެކި ކަންކަމުގައި ހަތަރު މީހަކު ޖޫރިމަނާ ކުރެވުުން
- ޕާކުތަކާއި މިސްކިތްތަކުގައި މީހުން ނިދާތޯ ބެލުން
މާލެ ސިޓީ ކައުންސިލުން މުޅި މާލޭގައި ސާފުތާހިރުކަމާއި ރައްކާތެރިކަން ދެމެހެއްޓުމަށްޓަކައި ލޯކަލް އޮތޯރިޓީތަކާއި ގުޅިގެން އެފަދަ ހައްލުކުރުމުގެ މަސައްކަތް ދަނީ ކުރިއަށް ދަމުންނެވެ.
