އިނގިރޭސި ޕްރީމިއަރ ލީގުގައި ރޭގައި މެންޗެސްޓަރ ގެ ކްލަބްތައް ކަމަށްވާ މެންޗެސްޓަރ ސިޓީ އާއި މެންޗެސްޓަރ ޔުނައިޓެޑަށް އަނެއްކާވެސް ބަދުނަސީބާއި ކުރިމަތިލާން ޖެހިއްޖެއެވެ. ރޭގައި ސިޓީ ކްރިސްޓަލް ޕެލްސް އާއި ދެކޮޅަށްކުޅެ އެއްވަރުވިއިރު، ޔުނައިޓެޑް ވަނީ ނޮޓިންހަމް ފޮރެސްޓް އަތުން ބަލިވެފައެވެ.

ސިޓީމެޗުގެ 4 ވަނަ މިނެޓުގައި ކްރިސްޓަލް ޕެލަސްއިން ފުރަތަމަ ގޯލިޖެހިއިރު، މެޗުގެ 30 ވަނަ މިނެޓުގައި ހާލަންޑް ވަނީ ގޯލެއްޖަހައި އެއްވަރުކޮށްފައެވެ. އަދި ދެވަނަހާފު ފެށިގެން 56 ވަނަ މިނެޓުގައި ޕެލަސް ލީޑުނަގާފައިވަނިކޮށް، 68 ވަނަ މިނެޓުގައު ސިޓީގެ ޑިފެންޑަރު ރިކޯ ލުއިސް ވަނީ ގޯލެއްޖަހައި ނަތީޖާ ހަމަކޮށްދީފައެވެ. މިމެޗުގެ 84 ވަނަމިނެޓުގައި ރިކޯއަށްވަނީ ދެވަނަ ރީނދޫކާޑާއެކު ރަތްކާޑުދައްކާ ދަނޑުން ފޮނުވާލާފައެވެ. މި މެޗާއެކު ސިޓީ އެންމެފަހުން ކުޅުނު 9 މެޗުން މޮޅުވީ އެންމެ މެޗަކުންނެވެ.

މީގެއިތުރުން މެންޗެސްޓަރ ޔުނައިޓެޑުވެސް ވަނީ ނޮޓިންހަމް ފޮރެސްޓުއަތުން 3-2 އިން ބަލިވެފައެވެ. މި މެޗުގެ މެންޗެސްޓަރ ގެ ގޯލުތައް ޖެހީ ހޮއިލަންޑް އާއި ބްރޫނޯ ފެނާންޑޭޒް އެވެ. އަދި ފޮރެސްޓުގެ ގޯލުތައް ޖަހައިދިނީ މިލެންކޮވިޗާއި ގިބްސްގެ އިތުރުން ވޫޑް އެވެ. ރޭގެ ބައްޔާއެކު ޔުނައިޓެޑުވަނީ ތާވަލުގެ 13 ވަނައިގައެވެ. މިއީ 1986 ގެ ފަހުން ޔުނައިޓެޑު މި ސްޓޭޖުގައި ހޯދި އެންމެ ދަށްނަތީޖާއެވެ.

ޕްރީމިއަރ ލީގުގައި މި ސީޒަނުގައި މިހާތަނަށް ފުޓުބޯޅައިގެ ގަދަ ދެބާރުކަމަށްވާ ޔުނައިޓޭޑާއި ސިޓީއިން ތަޖުރިބާކުރަނީ ހިތްދަތި ދުވަސްތަކެކެވެ.