މަސްވެރިންގެ ދުވަހާއި ގުޅުވައިގެން މަސްވެރި ހަވީރެއް މިއަދު ހަވީރު ބާއްވަން ނިންމައިފިއެވެ.

މި ހަވީރު އިންތިޒާމު ކުރީ މަސްވެރިކަން ޕްރޮމޯޓް ކުރުމަށް އުފެއްދި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިންގ އެންޑް ޕްރޮމޯޝަން ލިމިޓެޑުންނެވެ.

މަސްވެރި ހަވީރުގެ ނަމުގައި ބާއްވާ ކުޑަކުދިންގެ ހަވީރު ކުރިއަށްދާނީ މިއަދު ހަވީރު 4:00 އިން 6:00 އަށެވެ. މި ހަވީރުގައި ގިނަ އަދަދެއްގެ ކުޑަކުދިންނާއި މަސްވެރި އާއިލާތައް ބައިވެރިކޮށްގެން ކުރިއަށް ގެންދަން ނިންމާފައިވާއިރު، ކުޑަކުދިންނާއި ގުޅޭ ތަފާތު ކުޅިވަރު ހަރަކާތްތައް ކުރިއަށްދާނެކަމަށް މައުލޫމާތުލިބެއެވެ.

މިއީ މިއަހަރުގެ މަސްވެރިންގެ ދުވަހާއި ގުޅިގެން ބާއްވާ ހަރަކާތެކެވެ.