މި އަންނަ ޖެނުއަރީ މަހުގެ ދެވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހަމަޖައްސަވައިފިއެވެ.

އެފަދައިން ރައީސް ހަމަޖެއްސެވީ އިއްޔެ ރައީސް އޮފީހުން ނެރުނު ދެންނެވުމެއްގައެވެ.

ރައީސް އެ ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، މީލާދީ އައު އަހަރު ފެށޭ ދުވަހަކީ، ބުދަ ދުވަހަކަށް ވެފައި، އެ ދުވަހަކީ ސަރުކާރު ބަންދު ދުވަހަކަށް ވުމާއެކު، އެ ދުވަހާ ޖެހިގެން އަންނަ ދުވަހަކީ ބުރާސްފަތި ދުވަހަށް ވުމުން، މެދުކެނޑުމެއްނެތި މުވައްޒަފުންނަށް ޗުއްޓީ ލިބޭނެ ގޮތް ހަމަޖައްސަވައި ދެއްވުމަށެވެ.