މާލޭ ސިޓީގެ ސަރަހައްދަކުން މާދަމާގެ މެންދުރުފަހުގެ ވަގުތެއްގައި ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.

އެގޮތުން، ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީގެ، ހިލާލީ މަގު، އަމީނީ މަގު އަދި ބުރުޒު މަގު ހިމެނޭ ސަރަޙައްދުން ޑިސެމްބަރ 18 ވަނަ ދުވަހުގެ މެންދުރުފަހު 2 ގަޑިއިރަށް ކަރަންޓު ކެނޑިދާނެކަމަށް އެ ކުންފުނިން ވަނީ ހާމަކޮށްފިއެވެ.

މިގޮތުން އެ ސަރަހައްދުން ކަރަންޓު ކެނޑޭނީ މެންދުރުފަހު 14:00 އާއި 16:00 އާ ދެމެދު ކަމުގައި ސްޓެލްކޯއިން ބުނެފައިވެއެވެ.

ސްޓެލްކޯއިން އަބަދުވެސް ދަނީ މާލޭ ސަރަހައްދުގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތް ކުރަމުންނެވެ. މި މަސައްކަތް ކުރަމުންދާއިރު މާލޭގެ ސަރަހައްދަކުން ކަރަންޓު ކެނޑޭނަމަ ސްޓެލްކޯއިން ކުރީ ބައިގައި އެކަން އިޢުލާން ކުރެއެވެ.