މައްކާގައި އުމްރާގެ އަޅުކަމަށް ގޮސް އުޅެނިކޮށް 63 އަހަރުގެ ދިވެހި ފިރިހެނަކު ގެއްލިގެން ހޯދަން ފަށައިފިއެވެ.

ގެއްލިގެން ހޯދަމުން އަންނަނީ ޏ. ފުވައްމުލަކު، ސްޓެއްލާ (ދޫޑިގަން) މުހައްމަދު ދީދީ ކަމަށް އެ ގްރޫޕުން ބުނެފައިވެއެވެ.

މުހައްމަދު ދީދީ އަކީ ޔަލަމްލަމް ގްރޫޕުގެ ހަވާލުގައި އުމްރާގެ އަޅުކަމަށް ގޮސް އުޅުނު މީހެކެވެ.

ޔަލަމްލަމް ގްރޫޕުން މައުލޫމާތު ދިން ގޮތުގައި، މުހައްމަދު ދީދީ އުމްރާގެ އަޅުކަމަށް ގޮސްފައިވަނީ އިއްޔެ މެންދުރު ފަހު އުމްރާއަށް ދިޔަ އެ ގްރޫޕުގެ އުމްރާވެރިންނާއެކުގައެވެ. އަދި އޭނާ ގެއްލިފައިވަނީ އުމްރާގެ އަޅުކަން ފުރިހަމަ ކުރުމަށްފަހުގައި ކަމަށްވެސް އެ ގްރޫޕުން ބުނެފައިވެއެވެ.

މުހައްމަދު ދީދީއާ ގުޅޭ އެއްވެސް މައުލޫމާތެއް މައްކާއިން ލިބިއްޖެ ނަމަ، 593709493 966+ ނުވަތަ 565836862 966+ އަށް ގުޅުމަށް ޔަލަމްލަމް ގްރޫޕުން އެދިފައިވެއެވެ. މީގެ އިތުރުން 7901612 ނުވަތަ 9199919 އަށް ގުޅައިގެން ވެސް މައުލޫމާތު ހިއްސާ ކުރެވޭނެ ކަމަށް އެ ގްރޫޕުން ބުނެފައިވެއެވެ.