ވައިގެ މަގުން އެތެރެކުރަން އުޅުނު 2.4 ކިލޯގެ ޑްރަގް މޯލްޑިވްސް ކަސްޓަމްސް ސާވިސް އިން އަތުލައިގެންފިއެވެ.

މޯލްޑިވްސް ކަސްޓަމްސް ސާވިސް އިން ބުނީ، ވައިގެ މަގުން އެތެރެކުރަން އުޅުނު ޖުމްލަ 2.4 ކިލޯގެ ޑްރަގް އަތުލައިގެންފައިވާ ކަމަށެވެ.

ކަސްޓަމްސް އިން އަތުލައިގެން ފައި ވަނީ 0.32 ކިލޯގެ ހެރޮއިންނާއި، 2.1 ކިލޯގެ މެފެޑްރޯން އެވެ.

މިތަކެތި އަތުލައިގެންފައި ވަނީ މިދިޔަ ބުރާސްފަތި ދުވަހު، ވެލާނާ އިންޓަނޭޝަނަލް އެއާޕޯޓު މަގުން އެތެރެކުރަން އުޅެނިކޮށެވެ.

މޯލްޑިވްސް ކަސްޓަމްސް ސާވިސް އިން އަންނަނީ މިގޮތަށް އެތެރެކުރަން އުޅޭ ޑްރަގް އަތުލައިގަތުމުގައި ކާމިޔާބު މަސައްކަތްތަކެއް ކުރަމުންނެވެ.