ވެލާނާ އިންޓަނޭޝަނަލް އެއަރޕޯޓުން ވައިގެމަގުން ރާއްޖެއަށް އެތެރެކުރަން އުޅުނު 1 ކިލޯއަށްވުރެ ގިނަ މިންވަރެއްގެ މަސްތުވާތަކެތި އަތުލައިގަތްކަމަށް މޯލްޑިވްސް ކަސްޓަމްސް ސަރވިސްއިން މިއަދު ހާމަކޮށްފިއެވެ.

ކަސްޓަމްސްއިން ދިން މަޢުލޫމާތުގައިވާ ގޮތުން، އަތުލައިގަނެވުނު މަސްތުވާތަކެއްޗަކީ ކެނެބިސްއެވެ. މި މަސްތުވާތަކެތީގެ ވަގުތީ ބަރުދަނަކީ 1097 ގްރާމްކަމަށް ކަސްޓަމްސްއިން ބުނެފައިވެއެވެ.

Ad by Hajj Corporation

މި ތަކެތީގެ މަގުމަތީ އަގު 877,600.00 ރުފިޔާއަށް އަރާކަމަށްވެސް އެ އިދާރާއިން ފާހަގަކޮށްފައިވެއެވެ.

މި މައްސަލައާއި ގުޅިގެން މީހަކު ހައްޔަރުކުރިކަމެއް އަދި ނޭނގެއެވެ.

ރާއްޖެ އެތެރެކުރާ މަސްތުވާތަކެތި އަތުލައިގަތުމުގައި ކަސްޓަމްސް އިން އަންނަނީ ގިނަ މަސައްކަތްތަކެއް ކުރަމުންނެވެ.