އާރްއެސްޑަބްލިއު ސިސްޓަމް ފެސިލިޓީ ގާއިމްކުރުމަށް އަލުން ލޯނަށް ހުޅުވާލައިފި


08 ޖެނުއަރީ 2025 - 06:37
ލޮނު ފެނުން މަސް ފިނިކުރާ ނިޒާމު ނުވަތަ އާރައެސްޑަބްލިއު ސިސްޓަމް ގާއިމުކުރުމަށް ދޫކުރަން ނިންމާފައިވާ ލޯނު މުރާބަޙާ ފެސިލިޓީއަށް އަލުން ހުޅުވާލުމަށް ފިޝަރީޒް މިނިސްޓްރީން ނިންމައިފިއެވެ.
އެ ފުރުސަތު އެ ވުޒާރާއިން އަލުން ހުޅުވާލީ މިއަދުގެ ވަގުތެއްގައެވެ. އެގޮތުން ރައެސްޑަބްލިއު ސިސްޓަމް ގާއިމުކުރުމަށް ދޫކުރަން ނިންމާފައިވާ ލޯނު ފެސިލިޓީއަށް އެދި ހުށަހަޅަން ހުޅުވާލީ އެސްޑީއެފްސީގެ ޕޯޓަލް މެދުވެރިކޮށެވެ.
މި ފެސިލިޓީގެ ދަށުން، އާރްއެސްޑަބްލިއު ނިޒާމާއި އެއަށް ބޭނުންވާ ޖަނެރޭޓަރުގެ އިތުރުން، އެ ޖެނަރޭޓަރަށް ބޭނުންވާ ޖަނެރޭޓާ ސެޓް އަދި ސޯލާ ޕީވީ ޕެންލްތައް ގާއިމްކުރުމަށްޓަކައި ލޯނު ލިބޭނެއެވެ. އެގޮތުން މި ފެސިލިޓީގެ ދަށުން 700،000 ރުފިޔާ އިން ފެށިގެން 2،000،000 ރުފިޔާއާ ހަމައަށް ލޯނު ދޫކުރާނެއެވެ.
އަދި މި ފެސިލިޓީގެ ދަށުން އާރްއެސްޑަބްލިއު ނިޒާމު ޤާއިމްކޮށް ނިމުމުން، ގަނެފައިވާ ތަކެތީގެ އަގުގެ %35 އަށްވާ މިންވަރު ސަަރުކާރުން ވެސް ހަމަޖައްސައިދޭނެއެވެ.
އަދި އިސްލާމީ ޝަރީއާ ހުއްދަ ކުރާ ހަމަތަކުގެ މަތިން ތަކެތި ގަތް އަގާއި، ފައިދާގެ ގޮތުގައި ލާ މިންވަރު ކަނޑައަޅައިގެން ދޫކުރަން ނިންމާފައިވާ މި ލޯން ދެއްކުމަށް 10 އަހަރުގެ މުއްދަތެއް ލިބޭނެއެވެ.
އިތުރު ލިޔުންތައް

މަސްވެރިންގެ ޤައުމީ ދަފްތަރުގައި މިހާތަނަށް 200 އުޅަނދު
8 މަސް ކުރިން
ކުދި ވިޔަފާރިއާއި މެދުފަންތީގެ ވިޔަފާރިތަކަށް ޚާއްސަކޮށްގެން މަސް ބަންދުކުރާ ފެސިލިޓީއެއް
8 މަސް ކުރިން
ބިލިއަނެއްހާ ރުފިޔާގެ މަންފާއެއް ލޭނު މަސްވެރިކަމުން ރާއްޖެއަށް ލިބޭނެ: މިނިސްޓަރ ޝިޔާމް
7 މަސް ކުރިން