logoEN
ޚަބަރު

މީހެއްގެ ކަރަށް ތޮޅިއެއް ހެރި ކަރުގެ މައި ނާރަށް ބޮޑު އަނިޔާއެއް

މުހައްމަދު މޫސާމުހައްމަދު މޫސާ

13 ޖެނުއަރީ 2025 - 11:55

މީހެއްގެ ކަރަށް ތޮޅިއެއް ހެރި އަނިޔާވުމާ ގުޅިގެން އައިޖީއެމްއެޗްގައި ފަރުވާ ދެމުން އަންނަކަމަށް މައުލޫމާތު ލިބިއްޖެއެވެ.

ރަސްމީ މަސްދަރަކުން މިކަން އަދި ހާމަނުކުރުނިމަވެސް މައުލޫމާތު ލިބިފައިވާ ގޮތުގައި ދޯންޏެއްގައި ފީނަން އުޅުނު މީހާގެ ކަރަށް މީގެ ދެ ދުވަސް ކުރިން ތޮޅި ހެރި ވަނީ ވަރަށް ބޮޑަށް އަނިޔާ ވެފައެވެ.

އޭނާ ކަަރަށް ތޮޅި ހެރުނީ ރޭގަނޑު ލައިޓް ޖައްސައިގެން ފީނަން އުޅުމުގެ ތެރޭގައި ކަމަށް ވެސް މައުލޫމާތު ލިބެއެވެ.

އަނިޔާވި މީހާގެ ގާތް މީހެއް މައުލޫމާތު ދިން ގޮތުގައި އޭނާއަށް އައިޖީއެމްއެޗްގައި މިހާރު އަންނަނީ ފަރުވާދެމުންނެވެ. އަދި އޭނާގެ ކަރުގެ މައި ނާރަށް ބޮޑު އަނިޔާއެއް ލިބިފައިވާކަމަށް ވެސް އޭނާ ބުންޏެވެ.

އަނިޔާވި މީހާގެ ހަށިގަނޑުގެ އެއްފަޅީގައި ވާގިވެސް ނެތްކަމަށް އޭނާ ބުންޏެވެ. އެހެންވެ، އޭނާ ބޭރަށް ފަރުވާއަށް ގެންދިޔުމަށް ޢާއިލާ އިން މަސައްކަތް ކުރަމުން އަންނަކަމަށް ވެސް އޭނާ މައުލޫމާތު ދިނެވެ.

ކޮމެންޓް

871x217_placeholder