ޒަޚަމްތަކަކާއެކު މާލޭގެ މާފަންނު ގެސްޓްހައުސްއެއްގެ ތެރެއިން ފެނުނު ދިވެހި ފިރިހެން މީހާއަށް ފަރުވާދެމުންދަނީ އައިސީޔޫގައި ކަމަށް އައިޖީއެމް ހޮސްޕިޓަލުން ބުނެފިއެވެ.

ހެންވޭރު ގެސްޓު ހައުސްއެއްގެ ތެރޭގައި ގިނަ ޒަޚަމްތަކަކާއެކު އޮތް މީހަކު ފެނިގެން ފުލުހުންނަށް ރިޕޯޓުކޮށްފައި ވަނީ މީގެ ދެދުވަސް ކުރިންނެވެ. އޭނާ ހޮސްޕިޓަލަށް ގެންގޮސް އައިސީޔޫގައި ފަރުވާދޭން ވަނީ ފަށާފައެވެ.

އައިޖީއެމް ހޮސްޕިޓަލުން ބުނީ، އެމީހާގެ ހާލު ސީރިއަސް ކަމަށާއި، އަދިވެސް ފަރުވާދެމުން އަންނަނީ އައިސީޔޫގައި ކަމަށެވެ. އިތުރު ތަފްސީލެއް އެ ހޮސްޕިޓަލުން ނުދެއެވެ.

ޒަޚަމްތަކަކާ އެކު މާލޭގެ ގެސްޓް ހައުސްއަކުން މީހަކު ފެނުނީ މިދިޔަ ހޯމަ ދުވަހުއެވެ. އެ މީހާ ގެސްޓްހައުސް ތެރެއިން ނެރޭ ވީޑިއޯއެއް މިހާރު މީސް މީޑިއާގައި އާންމުވެފައިވާއިރު، އެ މީހާއަށް ގިނަ އަނިތާކެއް ހުރި ލިބިފައެވެ.