ރަމަޟާންމަހުގެ ކުރިން ދިރާގުގެ “ރޯދަ ރެޑީ” ޕްރޮމޯޝަން ތައާރަފްކޮށް، އުމްރާ ދަތުރަކާއި އެއް މިނެޓުގެ ޝޮޕިން ސްޕްރީއެއް ހިމެނޭ ގޮތަށް އިނާމުތަކެއް ތައާރަފްކޮށްފި އެވެ.

އަންނަ އަހަރުގެ ޖުލައި މަހުގެ 22 އިން އޮގަސްޓް މަހުގެ ހަ ވަނަ ދުވަހުގެ ނިޔަލަށް މި އުމްރާ ދަތުރު ތާވަލު ކުރެވިފައިވާއިރު، މިއީ ނަސީބުވެރި ހަތަރު ފަރާތަކަށް ދިނުމަށް ހަމަޖެހިފައިވާ އިނާމެކެވެ. މި އިނާމަކީ ދިރާގު ކަސްޓަމަރުންގެ ތެރެއިން އަންލިމިޓެޑް ޕެކޭޖުގެ 30 އެމް ހިޔާރުކުރާ ފަރާތްތަކުގެ ތެރެއިން މި ޕްރޮމޯޝަން ނިމެންދެން މި ޕެކޭޖު ބޭނުންކުރާ ފަރާތްތަކަށް ލިބިގެންދާ ފުރުސަތެކެވެ.

މީގެއިތުރުން މިދިޔަ އަހަރުގެ ޝޮޕިން ސްޕްރީއަށް ލިބުނު ހެޔޮ ތަރުހީބާ ގުޅިގެން ދިރާގުން ވަނީ މި އަހަރު އަނެއްކާވެސް އެ ގެނައުމަށް ނިންމާފައެވެ. މިއަހަރުގެ ޕްރޮމޯޝަންގައި މާލޭގެ ބޮޑެތި ފިހާރަތަކުގެ އިތުރުން އެހެން އެކި ސަރަހައްދުތަކުގެ ވެސް ބޮޑެތި ފިހާރަތައް ހިމެނިގެންދާނެ އެވެ. އެގޮތުން ހޮވާލެވޭ 10 ކަސްޓަމަރުންނަށް ވީހާވެސް ގިނަ ތަކެތި ހިފުމަށް އެއް މިނެޓް ލިބިގެންދާނެއެވެ.

މި ޕްރޮމޯޝަނަކީ ފެބްރުއަރީ 25 ގެ ކުރިން ދިރާގު ޕްރީޕެއިޑް، ޕޯސްޓްޕެއިޑް، ނުވަތަ ފައިބަރ ބްރޯޑްބޭންޑް ޕެކޭޖް ގަންނަ ހުރިހާ ކަސްޓަމަރުންނަށް ހުޅުވާލެވިފައިވާ ޕްރޮމޯޝަނެކެވެ.

އަދި ކުރިއަށް އޮތް ހަފްތާތަކުގައި ރަމަޟާން މަހަށް ހާއްސަ އޮފާތަކެއް ތައާރަފް ކުރުމަށް ރާވާފައިވާ ކަމަށް ވެސް ދިރާގުން ބުނެއެވެ.