logoEN
ޚަބަރު

މިރެއާއި މާދަމާވެސް އުތުރާއި މެދުރާއްޖެތެރެއަށް ވިއްސާރަ

މުހައްމަދު މޫސާމުހައްމަދު މޫސާ

14 ޖެނުއަރީ 2025 - 13:42

މިރެއާއި މާދަމާވެސް އުތުރާއި މެދުރާއްޖެތެރެއަށް ވިއްސާރަ ކުރާނެކަމަށް ލަފާކޮށްފިއެވެ.

މޫސުމާބެހޭ ޤައުމީ އިދާރާއިން ވިދާޅުވީ، ކުރިއަށް އޮތް 24 ގަޑިއިރު އައްޑޫ އަދި ފުވައްމުލަކު ސިޓީ ފިޔަވައި ރާއްޖޭގެ އެހެން ހުރިހާ ސަރަހައްދަކަށްވެސް ވިއްސާރަކުރާނެ ކަމަށެވެ.

އުތުރާއި މެދު ރާއްޖެތެރެއަށް ބޯކޮށް ވާރޭވެހޭނެކަމަށް ލަފާކޮށްފައިވާއިރު، އުތުރުގެ އަތޮޅުތަކަށް ގަޑިއަކު 5 މޭލާއި 15 މޭލާއި ދެމެދު ވައިޖެހޭނެކަމަށް ވަނީ ލަފާކޮށްފައެވެ.

މެދު ރާއްޖެތެރޭގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދު ވައި ޖެހޭނެ ކަމަށް ލަފާކޮށްފައިވާއިރު، ވިލާގަނޑުގައި ގަޑިއަކު 35 މޭލާއި 40 މޭލާއި ދެމެދު ބާރުމިނުނުގައި ވައިޖެހޭނެކަމަށްވެސް ވަނީ ލަފާކޮށްފައެވެ.

މިދުވަސްވަރު މޫސުން ގޯސްވާނެތީ މޫސުމާބެހޭ ޤައުމީ އިދާރާއިން ވަނީ ދުރާލާ ސަމާލުގެ މެސެޖު ނެރެފައެވެ. އަދި ރާއްޖޭގެ އެކި ހިސާބަށް ވިއްސާރަކުރަމުން އަންނައިރު، ރާއްޖެއަށް މޫސުން ވަރަށް ގޯސްވާނެ ކަމަށް ލަފާކޮށްފައި ވާތީ، ވިއްސާރާގައި ލިބިދާނެ ގެއްލުންތަކުން ރައްކާތެރިވާން ފުލުހުންނާއި ސިފައިން އަދި ކަމާ ބެހޭ އެހެން އިދާރާތައް ގުޅިގެން އިއްުޔެ ވަނީ ޖޮއިންޓް އޮޕަރޭޝަނެއް ވެސް ފަށާފައެވެ.

ކޮމެންޓް

871x217_placeholder