ލޯކަލް ކައުންސިލްތަކާއި ދިވެހިންނަށް އަމާޒުކޮށްގެން "ރަށު އެކްސްޕޯ" ގެ ނަމުގައި ޚާއްސަ އެކްސްޕޯއެއް ބޭއްވުމަށް ނިންމައިފިއެވެ.

މި އެކްސްޕޯ އޮންނާނީ އަންނަ މަހުގެ 13 އިން 15 އަށް ހުޅުމާލޭ ސެންޓްރަލް ޕާކުގައެވެ.

Ad by Hajj Corporation

މި އެކްސްޕޯގައި ރާއްޖޭގެ ހުރިހާ ރަށަކަށް ވަނީ އެކްސްޕޯއަށް އައިސް އެ ރަށްރަށް އިޝްތިހާރުކުރުމަށް ދައުވަތު ދީފައެވެ. އެކްސްޕޯ އިންތިޒާމްކުރާ ފަރާތުން ބުނީ އެކްސްޕޯގެ ތެރެއިން އެ ރަށްރަށާއި، ރަށްރަށުގައި ހުރި ޚާއްސަ ސިފަތަކާއި، ރަށްރަށުގެ ސަޤާފަތް އިޝްތިހާރުކުރުމުގެ ފުރުޞަތު ލިބިގެންދާނެކަމަށެވެ.

މި އެކްސްޕޯގައި ގާތްގަނޑަކަށް 40 އާއި 60 އާ ދެމެދުގެ އަދަދަކަށް ރަށްރަށުން ބައިވެރިވާނެކަމަށް އެކްސްޕޯ އިންތިޒާމްކުރާ ފަރާތުން ވަނީ ބުނެފައެވެ.

ރަށު އެކްސްޕޯ އިންތިޒާމްކުރަނީ "ޓްރެވެލް ގާއިޒް" ގެ ފަރާތުންނެވެ. މި އެކްސްޕޯއަކީ ރާއްޖޭގެ ޑޮމެސްޓިކް ފަތުރުވެރިކަމަށް ޚާއްސަކޮށްގެން ބާއްވާ އެކްސްޕޯއެކެވެ.