logoEN
ޚަބަރު

ފުނަދޫގައި ޤާއިމުކުރާ ސެންޓަރާއެކު ކަނދުފަތީގެ ވިއުގަ ފުޅާވާނެ

އަޙްމަދު ޒަލީފްއަޙްމަދު ޒަލީފް

22 ޖެނުއަރީ 2025 - 12:51

ށ.ފުނަދޫގައި ޤާއިމުކުރާ ކަނޑުފަތި ސެންޓަރާއެކު ކަނދުފަތިތަކުގެ ވިއުގަ އިތުރަށް ފުޅާވާނެ ކަމަށް ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެއެވެ.

މިނިސްޓަރ މިހެން ވިދާޅުވީ ރާއްޖޭގައި މިހާރު ބޭނުންކުރާ ކަނދުފަތީގެ ޑިޒައިނަށް ބަދަލު ގެނައުމަށް ބޭއްވި މަޝްވަރާ ބައްދަލުވުމުގައި ވާހަކަފުޅުދައްކަވަމުންނެވެ.ރާއްޖޭގައި 2 ބާވަތެއްގެ ކަނދުފަތި ވަނީ އަޅާފައެވެ. އެއީ ކަޅުބިލަމަހުގެ މަސްވެރިކަމަށް ޚާއްސަކޮށް އަޅާފައިވާ ދޮށީ ކަނދުފައްޗާއި، ސްޕޯޓްސް ފިޝިންއަށް އަޅާފައިވާ ވަދު ކަނދުފައްޗެވެ.

މިނިސްޓަރ އަޙްމަދު ޝިޔާމް ވިދާޅުވީ، މިއަހަރު ތެރޭގައި ފުނަދޫގައި ގާއިމްކުރާ ކަނދުފަތި ސެންޓަރު ނިމޭނެކަމަށެވެ. މިއާއެކު ކަނދުފަތީގެ ވިއުގަ ފުޅާކުރުމަށް އެވުޒާރާއަށް ފަސޭހަވެގެންދާނެކަން މިނިސްޓަރ ފާހަގަކުރެއްވިއެވެ.ރާއްޖޭގައި މިވަގުތު އަޅާފައިވަނީ ދޮށީގެ މަސްވެރިކަމަށް އަޅާފައިވާ 65 ކަނދުފައްޗާއި ސްޕޯޓްސް ފިޝިންއަށް އަޅާފައިވާ 26 ކަނދުފައްޗެވެ.

ރާއްޖޭގައި މިވަގުތު ހުރީ ކަނދުފަތި ޤާއިމްކުރާ އެންމެ ސެންޓަރެކެވެ. މިއީ ކަނދުފަތިތައް ޤާއިމްކުރުމަށް އެވުޒާރާއަށް ދިމާވާ އެންމެ ބޮޑު އެއް ގޮންޖެހުމެވެ. މިކަމަށް ހައްލު ގެނައުމުގެ ގޮތުން ރާއްޖޭގެ އުތުރާއި ދެކުނުގައި ކަނދުފަތި އެޅުމަށް 2 ސެންޓަރު ޤާއިމްކުރައްވާނެކަން ސަރުކާރުން ވަނީ އިއުލާންކުރައްވާފައެވެ.

ކޮމެންޓް

871x217_placeholder