ފުވައްމުލަކުން މިއަދު ފުލުހުންގެ ބެލުމުގެ ދަށަށް ގެނެވުނު އަންހެން މީހަކާ މެދު ކުރެވުނު ތުހުމަތުތަކާ އޭނާއާ ގުޅުމެއް ނެތްކަން ޔަގީންވުމާ ގުޅިގެން އެ އަންހެން މީހާ ދޫކޮށްލައިފިއެވެ.

ދިވެހި ފުލުހުންގެ ޚިދުމަތުން މިރޭ ބުނެފައިވަނީ، ފުވައްމުލަކުގައި ފުލުހުން ހިންގި އޮޕަރޭޝަނެއްގައި މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިވާ ފޮށިގަނޑަކާ ހަވާލުވާން ދިޔަ ދިވެހި އަންހެނަކު ހައްޔަރުކުރި ނަމަވެސް އެ އަންހެން މީހާއާ މެދު ކުރެވުނު ތުހުމަތުތަކާ އޭނާއާ ގުޅުމެއް ނެތްކަން ޔަގީންވެފައިވާތީ، އޭނާ ހައްޔަރުން ދޫކޮށްލާފައިވާ ކަމަށެވެ.

ނަމަވެސް، މި މައްސަލައިގެ ތަފްސީލުތަކާއި، އެ އަންހެން މީހާ ހައްޔަރުކުރެވުނު ސަބަބުތަކާ ގުޅޭ އިތުރު މަޢުލޫމާތެއް ފުލުހުން ހާމަކޮށްފައެއް ނުވެއެވެ. އަދި މައްސަލައިގެ ތަޙުޤީޤު ދަނީ ކުރިއަށް ކަމަށް ފުލުހުން ބުނެފައިވެއެވެ.

Boatakun Fenunu Masthuvaa Thakehchaa eku, Meehaku Fulhunge Belumuge Dhashah

ފުލުހުންގެ އިންޓެލިޖެންސަށް ލިބުނު މަޢުލޫމާތަކާ ގުޅިގެން މިއަދު ފުވައްމުލަކުގައި ހިންގި އޮޕަރޭޝަނެއްގައި މިއަދު 10:45 އެހާކަންހާއިރު ހައްޔަރުކޮށްފައިވަނީ 40 އަހަރުގެ ދިވެހި އަންހެނެކެވެ.