ކުކުޅު ކޭހެއްގެ ވެރިފަރާތް ހޯދަން ފުލުހުން އިއުލާންކޮށްފި އެވެ.

ފުލުހުން ބުނީ ހުޅުމާލެ ފޭސް 1 އަލިނަރު ކެފޭ ކައިރިން ހޮވައިގެން ގެނެސްފައިވާ ކުކުޅު ކޭހެއްގެ ވެރިފަރާތް ހޯދުމުގެ މަސައްކަތް ކުރަމުންދާ ކަމަށެވެ.

މި ކުކުޅު ކޭހުގެ ވެރިފަރާތުން، ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވުމަށް ފުލުހުން ވަނީ އެދިފަ އެވެ.

ފުލުހުން ވަނީ މިކަމާ ގުޅޭގޮތުން އިތުރު މައުލޫމާތު ސާފުކުރަން ހުޅުމާލެ ފޭސް 1 ޕޮލިސް ސްޓޭޝަނުގެ ނަންބަރު 9980062 އަށް ގުޅުމަށް އެދިފަ އެވެ.

މަގުމަތިން ފެންނަ އެހެން މީހުންގެ ތަކެތި ފުލުހުންނާއި ހަވާލު ކުރުމުން އެ ތަކެތީގެ ވެރިފަރާތް ހޯދުމަށް ފުލުހުންގެ ވެބްސައިޓުގައި އަބަދުވެސް އިއުލާނު ކުރެއެވެ.