ދޫހިމެރި މަގުގައި ހުރި ގެއެއްގައި އަލިފާނުގެ ހާދިސާއެއް

ހ.ދޫހިމެރިގޭގައި ރޯވެ އަނދަނީ ފޮޓޯ--/ މެންދުރު

09 ސެޕްޓެމްބަރު 2024 - 09:54
އަލިފާންގަނޑު މިހާރު ވަނީ ކޮންޓްރޯ ކުރެވިފައި، އެހެން ނަމަވެސް ދުމުގެ އަސަރު އެސަރަހައްދުގައި ހުރި ކަމަށް މައުލޫމާތު ލިބޭ.
މި ހާދިސާައާއި ގުޅިގެން އަންހެނަކު ވަނީ ހޮސްޕިޓަލަށް ގެންގޮސްފައި. އޭނާއަށް ލިބުނީ ކޮން ކަހަލަ ގެއްލުމެއް ކަމެއް އަދި މިހާތަނަށް ސާފެއްނުވޭ.
15:55 - އަދިވެސް އެ އިމާރާތުން ބޯ ދުން އަރަމުން އެބަދޭ.
15:44 ހެންވޭރު ސަހަރާއާއި ވީ ފަޅީގައި ތިބި އަޅުގަނޑުމެންގެ ޖާނަލިސްޓުން މަޢުލޫމާތު ދޭ ގޮތުގައި އަދިވެސް އަލިފާން ގަނޑު ނިއްވައެއް ނުލެވޭ
15:41 - އެ ސަރަހައްދުގައި ޑިޒާސްޓަރ މެނޭޖްމަންޓް އޮތޯރިޓީއިންވެސް ދަނީ ޙަރަކާތްތެރި ވަމުން.
އެސަރަހައްދު ގައި ދިވެހި ރެޑްކްރެސެންޓުން ދަނީ ޙަރަކާތްތެރިވަމުން
އެގެއާއި އިންވެގެން ހުރި ގޭގެ މީހުން ގެއިން ނެރެމުންދާ ކަމަށް އަޅުގަނޑުމެންގެ ޖާނަލިސްޓް މަޢުލޫމާތު ދޭ.
ދޫހިމެރިގެއާއި ޖެހިގެން ހުރިގޭގައި ރޯވެފައިވާ ކަމަށް އެސަރަހައްދުގައި ހުރި އަޅުގަނޑުމެންގެ ޓީމްގެ މެމްބަރު މަޢުލޫމާތުދޭ
ސޯސަންމަގު ގާމަގު ކެފޭ ކަންމަތީ ހ.ދޫހިމެރިގޭގައި އަލިފާނުގެ ހާދިސާއެއް ހިނގައިފިއެވެ. އަލިފާން ރޯވެފައިވަނީ އެ ގޭގައި ހުރި ބަދިގެއެއްގައި ކަމަށް މަޢުލޫމާތު ލިބެއެވެ. މި ހާދިސާ އާއި ގުޅިގެން އަންހެނަކު ހޮސްޕިޓަލަށް ގެންގޮސްފައިވެއެވެ. ނަމަވެސް އެމީހާއަށް ލިބުނު ގެއްލުމުގެ ތަފްސީލެއް އަދި އެއްވެސް އިދާރާއަކުން ހާމަކޮށްފައެއްނުވެއެވެ.
އެ އިމާރާތުގެ ބަދިގެ ހިމެނޭ ބައިގެ މަތީބައިގައި ވަނީ ވަރަށް ބޮޑަށް އަލިފާން ރޯވެފައެވެ. އަލިފާން ނިއްވުމުގެ މަސައްކަތް ފަޔަރ އެންޑް ރެސްކިއުއިން ކުރިޔަށް ގެންދާއިރު އެ ސަރަހައްދުގައި ތިބި ޢާއްމުންވެސް އަލިފާން ނިއްވުމުގައި ދަނީ އެހީތެރިކަން ފޯރުކޮށްދެމުންނެވެ.