ހެންވޭރު ދޫހިމެރިގޭގައި އަނެއްކާ ރޯވެއްޖެއެވެ.

މިރޭ އެގޭގައި އަނެއްކާ ވެސް ރޯވެގެން ސިފައިން ދަނީ ހަރަކާތްތެރިވަމުންނެވެ.

މިއަދު އެގޭގައި ރޯވީ މެންދުރުގެ ވަގުތެއްގައެވެ. އޭރު ވެސް އެގޭގައި އަލިފާން ރޯވާން މެދުވެރިވި ސަބަބު ހާމަވެފައެއް ނުވެއެވެ.

މިއަދުގެ އެ ހާދިސާގައި، އެގެއާ އިންވެގެން އިރަށް ހުރި ގޭގައި ވެސް ވަނީ ރޯވެފައެވެ. މިރޭ ސިފައިން ހަރަކާތްތެރިވަނީ އެގެއިން އަނެއްކާ ވެސް ހުޅު ފެނިގެންނެވެ.

މިއަދުގެ ހާދިސާ އާއި ގުޅިގެން އަންހެނަކު ހޮސްޕިޓަލަށް ގެންގޮސްފައިވެއެވެ. ނަމަވެސް އެމީހާއަށް ލިބުނު ގެއްލުމުގެ ތަފްސީލެއް އަދި އެއްވެސް އިދާރާއަކުން ހާމަކޮށްފައެއްނުވެއެވެ.

އެ އިމާރާތުގެ ބަދިގެ ހިމެނޭ ބައިގެ މަތީބައިގައި ވަނީ ވަރަށް ބޮޑަށް އަލިފާން ރޯވެފައެވެ. އަލިފާން ނިއްވުމުގެ މަސައްކަތް ފަޔަރ އެންޑް ރެސްކިއުއިން ކުރިޔަށް ގެންދިޔަ އިރު އެ ސަރަހައްދުގައި ތިބި ޢާއްމުންވެސް އަލިފާން ނިއްވުމުގައި އެހީތެރިކަން ފޯރުކޮށްދިނެވެ.