ކައުންސިލްތަކުގެ ނިންމުތަކުގައި ރައްޔިތުން ޝާމިލުކުރެވޭނެ ގޮތްތައް ދެނެގަތުން މުޙިއްމު ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ.ވަޒީރު މިހެން ވިދާޅުވީ އޯޕަން ގަވަރމަންޓް ޕާޓްނަރޝިޕް، އޯޖީޕީ ބައްދަލުވުމުގައި ބައިވެރިވެވަޑައިގަތުމަށް ފިލިޕީންސަށް ފުރާވަޑައިގަންނަވަމުން މީޑިއާތަކަށް ދެއްވި އިންޓަވިއުއެއްގައެވެ.

އަދި މި ބައްދަލުވުމުގެ ތެރެއިން އެކި ޤައުމުތަކުގައި ލާމަރުކަޒީ ނިޒާމު ކާމިޔާބުކަމާއެކީ ހިންގާފައިވާ ގޮތް ދެނެގަނެ، އެ ބަދަލުތައް ރާއްޖެއަށް ގެނެވޭނެ ގޮތްތަކާ ބެހޭގޮތުން މަޝްވަރާކުރެވޭނެ ކަމަށް ވަޒީރު ވިދާޅުވިއެވެ.

ލާމަރުކަޒީ ނިޒާމުގެ ތެރެއިން ހާމަކަމާއި ދެމެހެއްޓެނެވި ތަރައްޤީއާއި ކައުންސިލްތަކުގެ ނިންމުންތަކުގައި ރައްޔިތުންގެ ބައިވެރިވުން އިތުރުކުރުމާއި މިންހެޔޮ ސަރުކާރެއް ހިންގުމާ ބެހޭގޮތުން މަޝްވަރާކުރުމަށް ވަނީ ހަމަޖެހިފައެވެ.

އަދި މި ބައްދަލުވުމުގެ ތެރެއިން އެކި ޤައުމުތަކުގައި ލާމަރުކަޒީ ނިޒާމު ކާމިޔާބުކަމާއެކީ ހިންގާފައިވާ ގޮތް ދެނެގަނެ، އެ ބަދަލުތައް ރާއްޖެއަށް ގެނެވޭނެ ގޮތްތަކާ ބެހޭގޮތުން މަޝްވަރާކުރެވޭނެ ކަމަށް ވަޒީރު ވިދާޅުވިއެވެ.